Shocking : संतापजनक! “तुझी बायको चेटकीण” गावकऱ्यांनी कुटुंबाला जाळलं; दोन महिन्याच्या बाळासह तिघांचा मृत्यू

मिळालेल्या माहितीनुसार, सदर घटना झारखंडमधील कुमारडुंगी पोलिस स्टेशन हद्दीतील कलैया गावात घडली आहे. मंगळवारी रात्री ९ वाजताच्या सुमारास ४० वर्षीय कोल्हान सिंकू, त्याची दुसरी पत्नी ३२ वर्षीय ज्योती सिंकू, त्याचा दोन वर्षांचा मुलगा आणि त्यांच्या दोन महिन्यांच्या बाळासह घरी झोपला होता. तेव्हा त्याच गावातील त्याची चुलत बहीण रशिका बिरुवा हिने बाहेरून हाक मारली. आवाज ऐकून कोल्हाण त्याची पत्नी ज्योतीसह बाहेर आला. त्याच वेळी त्याची पहिली पत्नी जानी सिंकू देखील बाहेर आली.