Samruddhi Mahamarg : समृद्धी महामार्ग उद्यापासून ३ फेब्रुवारीपर्यंत टप्प्याटप्प्याने बंद; कुठल्या दिवशी कुठला मार्ग बंद राहणार? कारण काय?

Pune : वाहतुकीचे उल्लंघन होऊ नये, यासाठी समृद्धी महामार्गावर ‘हायवे ट्रॅफिक मॅनेजमेंट सिस्टीम’ (एचटीएमएस) गँट्री बसविण्याचे काम हाती घेण्यात आले आहे. या कामासाठी शनिवार, 31 जानेवारी ते 3 फेब्रुवारीपर्यंत टप्प्याटप्प्यांत महामार्ग काही काळासाठी बंद राहणार आहे, असे महाराष्ट्र राज्य रस्ते विकास महामंडळाने (एमएसआरडीसी) सांगितले.

पुढील चार दिवस समृद्धी महामार्ग काही काळासाठी कुठे-कुठे बंद?
‘हिंदुहृदयसम्राट बाळासाहेब ठाकरे समृद्धी महामार्गा’वर नागपूर जिल्ह्यात 31 जानेवारी ते 3 फेब्रुवारी या कालावधीत एमएसआरडीसीकडून 14 टप्प्यांत गँट्री उभारण्यात येत आहे. नागपूर जिल्ह्यातील हिंगणा तालुका व वर्धा जिल्ह्यातील सेलू, आर्वी व वर्धा तालुक्यातून जाणाऱ्या महामार्गावर ही यंत्रणा बसविण्याचे वेळापत्रक जाहीर करण्यात आले. या कामादरम्यान संबंधित वाहिनीवरील वाहतूक 45 ते 60 मिनिटांसाठी पूर्णत: थांबविण्यात येणार आहे.

ZP Election : मोठी बातमी! जिल्हा परिषद आणि पंचायत समिती निवडणुकांबाबत राज्य निवडणूक आयोगाचा महत्त्वपूर्ण निर्णय

‘हायवे ट्रॅफिक मॅनेजमेंट सिस्टीम’ (एचटीएमएस) गँट्री हे महामार्गांवर वाहतूक सुरळीत ठेवण्यासाठी उभारले जाणारे महत्त्वाचे पोलादी स्ट्रक्चर आहे. यावर स्वयंचलित नंबर प्लेट ओळख कॅमेरे, वेगमापक यंत्र आणि व्हेरिएबल मेसेज साइन (व्हीएमएस) बोर्ड बसवलेले असतात, जे रीअल-टाइम ट्रॅफिक डेटा संकलित करतात.

31 जानेवारी रोजी वर्धा, सेलू, हिंगणा, आर्वी या तालुक्यांमधून टप्प्याटप्प्याने दुपारी 12 पासून चारपर्यंत वेगवेगळ्या वेळेत ब्लॉक असेल.
उद्यापासून मार्ग टप्प्याटप्याने बंद
वर्धा तालुका : दु. 12 ते 1, दु. 3 ते 4 (नागपूरकडे येणारा).
सेलू तालुका : दु. 12 ते 1 (मुंबईकडे जाणारा).
सेलू तालुका : दु. 3 ते 4 (नागपूरकडे येणार).
हिंगणा तालुका : दु. 12 ते 1 (नागपूरकडे येणारा).
हिंगणा तालुका : दुपारी 3 ते 4 (मुंबईकडे जाणारा).
आर्वी तालुका : दुपारी 3 ते 4 (मुंबईकडे जाणारा)

दरम्यान, प्रवाशांच्या सुविधेसाठी, प्रवाशांच्या सुरक्षेच्या दृष्टीने समृद्धी महामार्गावर हा ‘हायवे ट्रॅफिक मॅनेजमेंट सिस्टीम’ अर्थात HTMS बसवण्यात येत आहे. याकामासाठीच मार्गावरील वाहतूक काही काळासाठी टप्प्याटप्प्याने बंद राहणार आहे.