Pune Tourist Places : पुण्यात पर्यटनस्थळी प्रतिबंधात्मक आदेश लागू! कुठल्या ठिकाणी जमावबंदी काय आहेत नियम? जाणून घ्या

Pune Tourist Places : पुणे विद्येचे माहेरघर असण्यासोबत निसर्ग संपन्न जिल्हा आहे. पुण्यात जोरदार पावसाळा सुरुवात झाली असून येथील घाट परिसरात बऱ्याच ठिकाणी धबधबे तयार झालेत. येथील मावळ, मुळशी, हवेली, आंबेगाव, खेड, जुन्नर, भोर, वेल्हा तालुक्यात अनेक ऐतिहासिक वास्तू, गड, किल्ले पर्यटनस्थळे आणि धरणे आहे.

मुंबईसह राज्यभरातून पर्यटक येथील भुशी, मुळशी, भाटघर, खडकवासला धरण परिसरात मोठ्या प्रमाणात येत असतात. यातच वाहतूक कोंडी होऊन कायदा व सुव्यवस्थेचा प्रश्न निर्माण होऊ नये म्हणून पुण्याचे जिल्हाधिकारी सुहास दिवसें यांनी जमावबंदी आदेश दिलेत. याआधी भिमाशंकर अभारण्य वघळता इतर ठिकाणी सायंकाळी ६ नंतर पर्यटकांना ३० सप्टेंबर पर्यत बंदी घालण्यात आली होती. या आदेशच पालन न केल्यास आपत्ती व्यवस्थापन अधिनियम २००५ व भारतीय न्याय संहिता, २०२३ चे कलम २२३ नुसार दंडनिय अथवा कायदेशीर कारवाई करण्यात येतील, असं सांगितलं जात आहे.

Pune News : हडपसर पोलिसांच्या तावडीतून महिला आरोपीचे पलायन, महिला पोलीस शिपाई निलंबित

कुठल्या ठिकाणी आहे जमावबंदी?

- मावळ तालुक्यातील भुशी डॅम, धरणे व गड किल्ले परिसर, वडगाव मावळ येथील बेंदेवाडी, डाहुली' (आंदर मावळ) पाण्याचे धबधबे.

- लोणावळा शहर आणि ग्रामीण हद्दीतील धरण व गडकिल्ले परिसर टायगर पॉईंट, लायन्स पॉईंट, राजमाची पॉईंट, खंडाळा, सहारा ब्रीज, पवना धरण, टाटा धरण, घुबड तलाव परिसर.

- मुळशी तालुक्यातील मुळशी धरण व ताम्हीणी घाट जंगल परिसर व मिल्कीबार धबधबा.

- हवेली तालुक्यातील खडकवासला धरण, वरसगाव धरण व सिंहगड, गडकिल्ले परिसर.

- आंबेगाव तालुक्यातील डिंभे धरण परिसर, कोंडवळ धबधबा.

- जुन्नर तालुक्यातील माळशेज घाट तसेच धरणे व गडकिल्ले परिसर, शिवनेरी व माणिक डोह.

- भोर तालुक्यातील भाटघर धरण व गडकिल्ले परिसर, पाण्याचे धबधबे, वेल्हा तालुक्यातील धरण व गडकिल्ले परिसर, कातळधरा धबधबा.

- खेड तालुक्यातील भिमाशंकर चासकमान धरण व भोरगिरी घाट, पाण्याचे धबधबे व जंगल परिसर.

- इंदापूर तालुक्यातील कुंभारगाव बोटींग क्षेत्रात हे आदेश लागू असतील.