Pune Mayor : पुण्याचा पुढचा महापौर कोण? ‘ही’ नावे आघाडीवर; भाजपची रणनीती काय असेल?

Pune : पुण्यात भाजपने दणदणीत विजय मिळवत १११ जागांवर आघाडी घेतली आहे. अंतिम निकाल हाती आल्यानंतर आकड्यांमध्ये थोडासा बदल होऊ शकतो. परंतु राष्ट्रवादीला दणका देत भाजपने पुण्यात वर्चस्व सिद्ध केलंय. दोन्ही राष्ट्रवादी मिळून पुण्यात त्यांना केवळ १७जागा जिंकता आल्या आहेत.

पुणे महानगरपालिका

भाजप- १११

राष्ट्रवादी- १५

राष्ट्रवादी श.प.- २

शिवसेना - ०

शिवसेना ठा.- १

मनसे - ०

काँग्रेस- १६

Chhatrapati Sambhajinagar : छत्रपती संभाजीनगरमध्ये इतिहास! भाजपची एकहाती सत्ता; MIM चा अनपेक्षित उदय, शिंदे गटाला मोठा धक्का

कोण होणार पुण्याचा महापौर ?

पुणे महापौर निवडीसाठी निवडणूक आयोगाकडून कार्यक्रम जाहीर केला जाईल. त्यापूर्वी आरक्षणाची सोडत होईल. त्यानंतर स्पष्टता येईल. महापौर पद नेमकं महिलेला सुटेल की पुरुषाला? कुठल्या प्रवर्गात ही जागा आरक्षित होईल, हे येत्या काळात कळेल. असं असलं तरी काही नावं मात्र सुरुवातीपासूनच चर्चेत आहेत. तसं सोयीचं आरक्षण सुटलं तर त्यांच्या नावांचा पक्षाला गांभीर्याने विचार करावा लागेल.

'ही' नावं आहेत चर्चे

गणेश बीडकर, राजेंद्र शिळमकर, धीरज घाटे या तीन नावांसह आणखी काही नावं महापौर पदाच्या चर्चेत आहेत. गणेश बिडकर यांच्या नावाने पुण्यात बॅनरबाजी झाली आहे. निकालआधीच त्यांच्या कार्यकर्त्यांनी शहरात फ्लेक्स झळकावले.

राजेंद्र शिळमकर हे मुरलीधर मोहोळ यांचे खंदे समर्थक मानले जातात. तर धीरज घाटे हे भाजपचे शहराध्यक्ष आहेत. त्यांना पालिकेत सदनाचा नेता म्हणूनही काम केलेलं आहे. त्यांचंही नाव चर्चेत आहे. शेवटी भाजप काय निर्णय घेतो, हे पाहाणंदेखील महत्त्वाचं आहे.

कशी होती लढत ?

प्रभाग 24: कसबा गणपती-कमला नेहरू हॉस्पिटल-के.ई.एम. हॉस्पिटल

भाजप: गणेश बीडकर, देवेंद्र वडके, कल्पना बहिरट, उज्ज्वला यादव

शिवसेना-शिंदे गटः प्रणव धंगेकर, वैशाली सागर, प्रशांत मते, मेघना तारवडे

राष्ट्रवादी काँग्रेस (अजित पवार गट): सुजाता शेट्टी, पूनम कोळोखे, प्रकाश फुलावरे, विरेंद्र किराड

शिवसेना ठाकरे गटः राजेश मोरे, रंजना खडके

काँग्रेसः नितीन परतानी

प्रभाग 20: शंकर महाराज मठ- बिबवेवाडी

भाजप: राजेंद्र शिळमकर, तनवी दिवेकर, मानसी देशपांडे, महेंद्र सुंदेचा मुथा

राष्ट्रवादी काँग्रेस (अजित पवार गट): प्रीतम नागापुरे, अस्मिता शिंदे, रश्मी अमराळे, गौरव घुले

शिवसेना (शिंदे गट): बंडू जायभाय, प्रियंका शितोळे, रूपाली दारवटकर, नवनाथ निवंगुने

काँग्रेस: रूपाली बिबवे

प्रभाग 27: नवी पेठ - पर्वती

भाजपः धीरज घाटे, अमर आवळे, स्मिता वस्ते, लता गौडा

राष्ट्रवादी काँग्रेस (अजित पवार गट): धनंजय जाधव, दिपाली बारवकर, अक्षदा लांडगे, अशोक हरणावळ

राष्ट्रवादी काँग्रेस (शरद पवार गट): रवी भामरे, प्रेमराज गदादे, राकेश क्षीरसागर

काँग्रेस: नंदू वीर, पायल काळे