Pune : पुणेकरांसाठी गुड न्यूज! 'पीएमपी'च्या ताफ्यात 12 Hydrogen बसेस; आता प्रवास होणार पर्यावरणपूरक

Pune : केंद्र सरकारच्या राष्ट्रीय हरित हायड्रोजन अभियानांतर्गत हायड्रोजन इंधनावरील बसची चाचणी महाराष्ट्र ऊर्जा विकास अभिकरण (महाऊर्जा) कार्यालयाच्या आवारात पार पडली. पुढील सात दिवस शहरातील विविध भागांमध्ये ही चाचणी घेण्यात येणार आहे. ही चाचणी यशस्वी झाल्यानंतर शहरातील सार्वजनिक वाहतूक व्यवस्थेत या बसच्या वापरासाठी पुणे महानगर परिवहन महामंडळातर्फे प्रस्ताव देण्यात येणार आहे.

‘टाटा मोटर्स’तर्फे हायड्रोजन इंधनावर धावणाऱ्या 12 बसची निर्मिती करण्यात आली आहे. या बस इंडियन ऑइलने विकत घेतल्या आहेत. देशात सध्या दिल्ली आणि बडोदा येथे महत्त्वाच्या व्यक्तींच्या दौऱ्यावेळी या बस वापरल्या जात आहेत. पुण्यातील चाचणीसाठी बडोदा येथून बस आणण्यात आली आहे. महाऊर्जा, पीएमपी, टाटा मोटर्स आणि इंडियन ऑइल यांच्यावतीने औंध येथील रस्त्यावर या बसची चाचणी घेण्यात आली. ‘महाऊर्जा’चे प्रकल्प महाव्यवस्थापक आनंद रायदुर्ग, ‘पीएमपी’चे अध्यक्ष तथा व्यवस्थापकीय संचालक पंकज देवरे या वेळी उपस्थित होते.

केंद्र सरकारच्या राष्ट्रीय हरित हायड्रोजन अभियानांतर्गत हायड्रोजन इंधनावरील बसची चाचणी महाराष्ट्र ऊर्जा विकास अभिकरण (महाऊर्जा) कार्यालयाच्या आवारात बुधवारी (15 ऑक्टोबर) पार पडली. पुढील सात दिवस शहरातील विविध भागांमध्ये ही चाचणी घेण्यात येणार आहे. ही चाचणी यशस्वी झाल्यानंतर शहरातील सार्वजनिक वाहतूक व्यवस्थेत या बसच्या वापरासाठी पुणे महानगर परिवहन महामंडळातर्फे प्रस्ताव देण्यात येणार आहे.

‘टाटा मोटर्स’तर्फे हायड्रोजन इंधनावर धावणाऱ्या 12 बसची निर्मिती करण्यात आली आहे. या बस इंडियन ऑइलने विकत घेतल्या आहेत. देशात सध्या दिल्ली आणि बडोदा येथे महत्त्वाच्या व्यक्तींच्या दौऱ्यावेळी या बस वापरल्या जात आहेत. पुण्यातील चाचणीसाठी बडोदा येथून बस आणण्यात आली आहे. महाऊर्जा, पीएमपी, टाटा मोटर्स आणि इंडियन ऑइल यांच्यावतीने औंध येथील रस्त्यावर या बसची चाचणी घेण्यात आली. ‘महाऊर्जा’चे प्रकल्प महाव्यवस्थापक आनंद रायदुर्ग, ‘पीएमपी’चे अध्यक्ष तथा व्यवस्थापकीय संचालक पंकज देवरे या वेळी उपस्थित होते.

इंधनाचे दर शंभरीपार गेलेले आहेत. सध्या पर्यावरणपूरक वाहनांकडे कल वाढत आहे.मात्र, इलेक्ट्रिक वाहने पूर्णपणे पर्यावरणपूरक मानली जात नाहीत. या वाहनांसाठी मोठ्या प्रमाणात विजेचा वापर होतो. ही वीज कोळश्यापासून तयार होते. पर्यावरणपूरक वाहनांसाठी हायड्रोजन इंधन हाच मार्ग आहे. कार्बन उत्सर्जनामुळे प्रदूषण वाढत असल्याने सरकारने पर्यायी मार्गांचा अवलंब करण्याचे धोरण ठरवले आहे. हायड्रोजन इंधन पूर्णपणे पर्यावरणपूरक आहे. विजेच्या साह्याने पाण्यातील हायड्रोजन (एचटू) वेगळा करून या इंधनाची निर्मिती केली जाते. त्यामध्ये प्रामुख्याने लिथियमचा वापर मोठ्या प्रमाणात होतो.

'पर्यावरणपूरक हायड्रोजन इंधनावरील बसच्या वापरासाठी पीएमपी प्रयत्नशील आहे. महाऊर्जा आणि टाटा मोटर्स यांनी या बसच्या वापरासाठी पुढाकार घेतला आहे. चाचणी यशस्वी झाल्यास हायड्रोजन इंधनावर आधारित बस पीएमपीसाठी घेण्यात येतील,' असे पंकज देवरे, अध्यक्ष तथा व्यवस्थापकीय संचालक, पीएमपी यांनी सांगितले.

बसची वैशिष्ट्ये

• बसमधून 40 जण प्रवास करू शकतात.
• बसच्या वरच्या भागात 30 किलो क्षमतेची इंधनाची टाकी
• ३० किलो इंधनात बस 300 किलोमीटर अंतर कापते
• बसचा वेग ताशी 70 किलोमीटर