Pune Crime News : जमिनीचा वाद तरुणाच्या जीवावर बेतला, मित्रानेच केली मित्राची निर्घृण हत्या

पोलिसांनी तपास पंकज आणि त्याचा नातेवाईक राज उर्फ सुरेश मनीराम आर्या हे दोघे पूर्वी एकत्रित काम करत असल्याचे समोर आले. सोबत काम करत असताना दोघांनी मिळून उत्तरप्रदेशमधील मूळगावी जमीन खरेदी केली होती. हत्या झालेल्या पंकज कुमार कश्यप यांच्या नावावर ती जमीन होती. पंकजने ही जमीन सुरेश आर्या याच्या नावावर करून देण्यास विरोध केला. यावरून दोघांमध्ये वाद झाला. त्यामुळे सुरेशने भोलानाथ राजाराम आर्या यांच्या मदतीने पंकजची हत्या केली.

पोलिसांनी सुरेश मनीराम आर्या आणि भोलानाथ राजाराम आर्या यांच्याविरोधात गुन्हा दाखल केला आणि त्याचा शोध घेण्यास सुरूवात केली. तांत्रिक आधाराने मुख्य आरोपी उत्तर प्रदेशमध्ये पळून गेल्याचे समोर आले होते. या हत्याप्रकरणी सरेश आणि भोलानाथ या दोघांनाही पोलिसांनी ताब्यात घेतले. त्यांची चौकशी केली असता त्यांनी पंकजच्या हत्येची कबुली दिली. पोलिसांनी दोघांविरोधात गु्न्हा दाखल करत अटक केली. पोलिसांकडून अधिक तपास सुरू आहे.