Pune Accident : पुण्यात भरधाव कारने पाच शेतमजुरांना चिरडले, तिघांचा मृत्यू; दोघे गंभीर जखमी, जखमींवर उपचार सुरू

Pune Accident : पुणे जिल्ह्यातून भीषण अपघाताची घटना समोर आली आहे. शेतातील कामे उरकून घरी निघालेल्या ५ शेतमजुरांना भरधाव वेगात येणाऱ्या कारने जोरदार धडक दिली. या घटनेत तीन जणांचा मृत्यू झाला, तर दोघे गंभीर जखमी झाले आहेत. जखमींना तातडीने उपचारासाठी रुग्णालयात दाखल करण्यात आलं आहे. 

कारवरील चालकाचे नियंत्रण सुटल्याने हा अपघात झाल्याची प्राथामिक माहिती आहे. अंगाचा थरकाप उडवणारी ही घटना कल्याण -अहमदनगर मार्गावर रविवारी रात्रीच्या सुमारास घडली. जगदीश महेंद्रसिंग डावर, सुरमल मांजरे, दिनेश तारोले अशी या अपघातात मृत्यूमुखी पडलेल्या मजुरांची नावे आहेत.

Kirit Somaiya Threat : ५० लाख दे, नाहीतर 'तो' व्हिडीओ व्हायरल करेल; किरीट सोमय्या यांना अज्ञाताकडून धमकी

सर्व मजूर हे कामाच्या शोधात पुण्यात आले होते. या घटनेनं हळहळ व्यक्त होत आहे. मिळालेल्या माहितीनुसार, रविवारी रात्री ८ च्या सुमारास मध्य परदेशातून आलेले हे ५ मजूर शेतातील कामे उरकून पायी घरी जात होते.

डींगोरे येथील दत्त मंदिरापासून जात असतांना यावेळी या मार्गाने भरधाव वेगात असलेली एक कार आली. यावेळी कारचालकाचे गडीवरील नियंत्रण अचानक सुटले. काही कळण्याच्या आतच या कारने मजुरांना चिरडले. या अपघातात दोघांचा जागीच मृत्यू झाला.

तर एकाचा दवाखान्यात उपचारासाठी नेत असताना मृत्यू झाला. या अपघाताची माहिती मिळताच ओतूर पोलिस घटनास्थळी दाखल झाले. त्यांनी दोघा जखमींना आळेफाटा येथील रुग्णालयात दाखल केले आहे. तसेच घटणस्थळाचा पंचनामा देखील करण्यात आला आहे.