Pune Crime : विकृतीचा कळस! पुण्यात तरुणाकडून मादी श्वानावर अत्याचार, घटना सीसीटीव्हीमध्ये कैद

Pune : पुण्याlतून एक किळसवाणा प्रकार उघडकीस आला आहे. पुण्यातील टिंगरेनगर भागात एका तरुणावर मादी श्वानावर अत्याचार केल्याचा आरोप होत आहे. हा तरुण श्वानाला उचलून एका रुममध्ये घेऊन गेल्याचे सीसीटीव्ही कॅमेऱ्यामध्ये कैद झाले आहे. या तरुणाच्या विरोधात २७ वर्षीय महिलेने विमानतळ पोलीस ठाण्यात फिर्याद दिली होती. या प्रकरणी तरुणावर गुन्हा दाखल करण्यात आला आहे.

मिळालेल्या माहितीनुसार, फिर्यादी महिला या स्वतः सॉफ्टवेअर इंजिनियर असून टिंगरे नगर भागातील मास्टर कॉलनी मध्ये त्यांच्या कुटुंबासोबत राहण्यास आहेत. होन्नापा अमोधीसिध्द होस्मानि या नावाचा एक व्यक्ती फिर्यादी यांच्या घरासमोर वास्तव्यास आहे. होन्नापा हा मिस्त्री असून ठिकठिकाणी तो बिगारी म्हणून काम करतो.

फिर्यादी यांनी दिलेल्या फिर्यादीनुसार, ७ जुलै रोजी होन्नापाने फिरस्त्या कुत्र्याला कारण नसताना मारहाण करत होता. याबाबत फिर्यादी यांनी त्याला जाब विचारला असता त्याने त्यांच्याशी भांडण केले. ३ ऑगस्ट रोजी फिर्यादी यांच्या आईने पाहिले की, होन्नापा हा एका फिरस्त्या कुत्र्याला उचलुन एका पत्र्याच्या रुममध्ये घेऊन गेला.

आरोपीने यापूर्वी बऱ्याच वेळा कारण नसताना भटक्या कुत्र्यांना मारहाण करुन क्रुरतेची वागणूक दिलेली असल्याचे फिर्यादीत म्हटले आहे. तक्रारदार आणि ॲड रागिणी मोरे यांनी या घटनेचा पाठपुरावा केल्यानंतर विमानतळ पोलिसांनी संबंधित व्यक्तीवर गुन्हा दाखल केला आहे.