Pune : इथेनॉलमुळे कारखान्यांच्या महसुलात प्रतिटन ३०० रुपये वाढ शक्य, माजी मंत्री राजेश टोपे यांचे प्रतिपादन

सरकारकडूनही प्रोत्साहन

केंद्र सरकारच्या इथेनॉल मिश्रण कार्यक्रमांतर्गत इथेनॉल उत्पादन वाढवण्यासाठी अनेक धोरणात्मक उपाययोजना करण्यात आल्या आहेत. उसाच्या हंगामी उपलब्धतेमुळे निर्माण होणाऱ्या मर्यादा लक्षात घेऊन, सरकारने सहकारी साखर कारखान्यांना इथेनॉल प्रकल्पांचे बहुपर्यायी प्रकल्पांमध्ये रूपांतर करण्यासाठी वित्तीय साहाय्य जाहीर केले आहे. या योजनेत तेल विपणन कंपन्यांना इथेनॉल पुरवठा करणाऱ्या सहकारी साखर कारखान्यांना व्याज अनुदान दिले जाणार आहे. तसेच, धान्यांपासून इथेनॉल उत्पादनाला चालना देण्यासाठी मका, खराब झालेले धान्य यांसारख्या पर्यायांवरही भर दिला जात आहे.