PM Modi Sabha : पुण्यात PM मोदींच्या सभेसाठी तगडा बंदोबस्त; ५ हजार पोलीस तैनात, नागरिकांसाठी नियमावली

पंतप्रधान मोदींच्या सभेसाठी होणारी गर्दी लक्षात घेऊन पार्किंग आणि वाहतूक मार्गांचे नियोजन करण्यात येणार आहे. तसंच सभास्थानी  मोबाईल व्यतिरीक्त कोणतीही वस्तू नेण्यास प्रतिबंध केला जाणार आहे. जिल्ह्यांतून पोलिसांच्या पाच जादा तुकड्या मागवण्यात आल्या आहेत. याबरोबरच केंद्रीय तपास यंत्रणा आणि सुरक्षा यंत्रणाही बंदोबस्तात असणार आहेत.

पुण्यात स.प.महाविद्यालयाच्या मैदानावर पंतप्रधान मोदी यांची सभा २९ एप्रिल रोजी सायंकाळी सहा वाजता आयोजित करण्यात आली  आहे. यापार्श्वभूमीवर पुण्यात तगडा बंदोबस्त करण्यात येत आहे. राज्यात लोकसभा निवडणुकीच्या प्रचाराला वेग आलेला आहे. पहिल्या टप्प्यातील निवडणूका पार पडल्या आहेत. २६ एप्रिल रोजी दुसऱ्या टप्प्यातील निवडणुका आहेत.