Pimpri : मालमत्ता कर वसुलीसाठी अतिरिक्त आयुक्त ‘ऑन ग्राऊंड’, १४ मालमत्ता सील

अतिरिक्त आयुक्तांच्या उपस्थितीत होणार कारवाई

आर्थिक वर्ष संपायला अवघे १२ दिवस बाकी असल्याने आता पाच लाखाहून अधिक थकबाकी असणाऱ्या थकबाकीदारांच्या रोज दहा मालमत्तावर कारवाई केली जाणार असल्याचे कर आकारणी व कर संकलन विभागाचे सहायक आयुक्त अविनाश शिंदे यांनी सांगितले आहे.

आतापर्यंत ८६२ कोटींची वसुली

महापालिकेने आतापर्यंत ८६२ कोटी रुपयांचा मालमत्ता कर वसूल केला आहे. आर्थिक वर्ष संपण्यासाठी अवघे बारा दिवस शिल्लक राहिले असून त्या अनुषंगाने कर वसुलीची मोहीम अधिकच व्यापक स्वरुपात राबवली जात आहे. तसेच नागरिकांच्या सोयीसाठी साप्ताहिक सुट्टी (शनिवार, रविवार) आणि सार्वजनिक सुट्टीच्या दिवशीही कर संकलन कार्यालय सुरू राहणार आहे.