Pakistan Train Accident : पाकिस्तानमध्ये भीषण रेल्वे अपघात! हजारा एक्सप्रेसचे १० डबे घसरले; १५ जणांचा मृत्यू

Pakistan Train Accident: पाकिस्तानमधून एक भीषण रेल्वे अपघाताची घटना समोर आली आहे. रावळपिंडीहून धावणाऱ्या हजारा एक्स्प्रेसचे दहा डबे रुळावरून घसरले आहेत. या अपघातात आतापर्यंत 15 जणांचा मृत्यू झाला आहे. तर जवळपास 50 जण जखमी झाल्याचे वृत्त आहे. सहारा रेल्वे स्थानकाजवळ हा अपघात झाला. हे स्टेशन शहजादपूर आणि नवाबशहा दरम्यान आहे.

याबाबत पाकिस्तानी वृत्तांनी दिलेल्या माहितीनुसार, रविवारी नवाबशाहमधील सरहरी रेल्वे स्थानकाजवळ हजारा एक्स्प्रेस ट्रेनचा भीषण अपघात झाला. ही ट्रेन कराचीहून रावळपिंडीला जात होती. सरहरी रेल्वे स्थानकाजवळ ट्रेनचे १० डबे रुळावरुन खाली घसरले.

यामध्ये १५ जणांचा मृत्यू झाला.तर ५० जण गंभीर जखमी आहेत. अपघातातील मृतांचा आकडा वाढण्याचीही शक्यता वर्तवली जात आहे. अपघातातील जखमींना उपचारासाठी नवाबशाह येथील पीपल्स मेडिकल हॉस्पिटलमध्ये दाखल करण्यात आले आहे. ट्रेनचे डबे रुळावरून घसरण्याचे कारण अद्याप समजू शकले नसल्याचे अधिकाऱ्यांनी सांगितले आहे.

Amrit Bharat Station Scheme: 'अमृत भारत स्टेशन' योजनेअंतर्गत देशातील 508 स्थानकांचा होणार कायापालट; महाराष्ट्रातील इतक्या स्टेशनचा समावेश

या घटनेनंतर लाहोरमध्ये माध्यमांशी बोलताना रेल्वे मंत्री ख्वाजा साद रफिक म्हणाले की, "अधिकाऱ्यांना या घटनेबाबत सतर्क करण्यात आले आहे. अपघातात 15 जणांचा मृत्यू झाला असून अनेक जण जखमी झाल्याची माहिती समोर येत आहे.