PAK vs NZ : यूएसएसमोर 191 रन्सचं टार्गेट, पाकिस्तान विरुद्ध सलग दुसरा विजय मिळवणार?

आयसीसी टी 20I वर्ल्ड कप 2026 स्पर्धेत पाकिस्तानने नेदरलँड्स विरुद्ध कसाबसा विजय मिळवला. पाकिस्तानला नवख्या नेदरलँड्सने त्या सामन्यात नाकीनऊ आणले. त्यानंतर आता पाकिस्तानने त्यांच्या मोहिमेतील दुसऱ्या सामन्यात यूएसएसमोर 191 धावांचं तगडं आव्हान ठेवलं आहे. पाकिस्तानने 20 ओव्हरमध्ये 9 विकेट्स गमावून 190 धावा केल्या. यूएसएने गेल्या वर्ल्ड कप स्पर्धेत सुपर ओव्हरमध्ये पाकिस्तानला पराभूत केलं होतं. त्यामुळे आता यूएसए पाकिस्तानचा धुव्वा उडवून आपल्या मोहिमेची विजयी सुरुवात करण्यासह पुन्हा उलटफेर करणार का? हे पाहणं औत्सुक्याचं ठरणार आहे.

पहिल्या डावात काय झालं?

यूएसएचा कॅप्टन मोनांक पटेल याने टॉस जिंकून फिल्डिंगचा निर्णय घेतला. पाकिस्तान टीम चेजिंग करताना याआधी अनेकदा अडखळल्याचं क्रिकेट चाहत्यांना माहित आहे. त्यामुळे मोनांक पटेल याने बॉलिंगऐवजी फिल्डिंगचा निर्णय घेतल्याने क्रिकेट प्रेमींकडून आश्चर्य व्यक्त करण्यात आलं. पाकिस्तानने बॅटिंग करण्याचा संधीचा फायदा घेत 190 धावांपर्यंत मजल मारली. पाकिस्तानसाठी 4 फलंदाजांनी सर्वाधिक धावांचं योगदान दिलं.

पाकिस्तानसाठी ओपनर साहिबजादा फरहान याने सर्वाधिक धावांचं योगदान दिलं. साहिबजादा याने 41 बॉलमध्ये 73 रन्स केल्या. साहिबजादा याने या खेळीत 5सिक्स आणि 6 फोर ठोकले. त्याशिवाय बाबर आझम याने 32 बॉलमध्ये 46 रन्स केल्या. सॅम अय्युब याने 19 धावांचं योगदान दिलं.तर शादाब खान याने अखेरच्या क्षणी 12 चेंडूत 30 धावा करत फिनिशिंग टच दिला.

यूएसएच्या गोलंदाजांनी या चौघांव्यतिरिक्त एकालाही दुहेरी आकड्यापर्यंतही पोहचू दिलं नाही. टीम इंडिया विरुद्ध 4 विकेट्स घेणाऱ्या शैडली वैन शाल्कविक याने पाकिस्तान विरुद्धही कमाल केली. शैडली वैन शाल्कविकने सर्वाधिक 4 विकेट्स मिळवल्या. तर सौरभ नेत्रावाळकर मोहम्मद मोहसिन आणि हरमीत सिंह या तिघांनी प्रत्येकी 1-1 विकेट मिळवली.

यूएसए 191 धावा करणार?

1️⃣9️⃣1️⃣ needed to repeat history 🎯 Can our boys do it ?✍️

Credit: ICC/Getty#TeamUSA #T20WorldCup @T20WorldCup @ICC pic.twitter.com/yIkZRgnsGY

— USA Cricket (@usacricket) February 10, 2026

कोण जिंकणार?

दरम्यान पाकिस्तान विरुद्ध यूएसए या दोन्ही संघांची टी 20i आणि वर्ल्ड कप स्पर्धेत आमनेसामने येण्याची ही एकूण दुसरीच वेळ आहे. यूएसएने याआधी यूएसएने 2024 च्या वर्ल्ड कप स्पर्धेत उलटफेर करत पाकिस्तानला पराभवाचा झटका दिला होता. यूएसएने सुपर ओव्हरमध्ये पाकिस्तानला लोळवलं होतं. अशात आता यूएसए पुन्हा त्या कामगिरीची पुनरावृत्ती करणार की पाकिस्तान 2 वर्षांनतर पराभवाची वसूली करण्यात यशस्वी ठरणार? हे थोड्याच वेळात स्पष्ट होईल.