Nandurbar Accident : झापी घाटात भीषण अपघात; प्रवासी असलेली गाडी १०० फूट खोल दरीत कोसळली

Nandurbar : नंदुरबारच्या तोरणमाळ परिसरात असलेल्या झोपी घाटातून जाणाऱ्या प्रवासी वाहतूक करणाऱ्या गाडीला भीषण अपघात झाला आहे. वळण रस्त्यावर गाडीवरील नियंत्रण सुटल्याने गाडी थेट शंभर फूट खोल दरीत कोसळली आहे. यामध्ये चार ते पाच प्रवासी गंभीर जखमी झाले आहेत. सदर अपघात आज दुपारच्या सुमारास घडला आहे.

नंदुरबार जिल्ह्यातील अतिदुर्गम भाग असलेल्या धडगाव तालुक्यातील तोरणमाळ परिसरात असलेल्या झापी गावाचा घाटात हा अपघात दुपारी घडला आहे. नंदुरबार जिल्ह्यात मागील दोन आठ दिवसांपासून पाऊस होत आहे. यामुळे डोंगर भागात असलेले कच्चे रस्ते खराब झाले आहेत. यावरून वाहने चालविणे वाहन चालकांना जिकरीचे जात आहे. यात घाट रस्त्यातून गाड्या चालविताना मोठी कसरत वाहन धारकांना करावी लागत आहे.

Kolhapur : अंबाबाई अन् जोतिबा मंदिरात शॉर्ट ड्रेसला मनाई, पश्चिम देवस्थान समितीचा निर्णय

चालकाचा ताबा सुटल्याने अपघात

दोन दिवसांपूर्वी घाट रस्त्यातून ट्रक पलटी झाल्याची घटना घडली होती. यानंतर झापी गावच्या घाटात प्रवासी वाहतूक करणाऱ्या वाहनाचा भीषण अपघात झालेला आहे. घाटावरील तीव्र उतार आणि वळण रस्ता असल्याने याठिकाणी चालकाचा वाहनावरील ताबा सुटल्याने अपघात घडला आहे. घाट रस्ता असताना रस्त्याच्या बाजूला सुरक्षा कठडे नसल्याने वाहने घाटामधून तब्बल 100 फूट खोल दरीत कोसळले आहे.

गाडीतील पाच जण जखमी

सदर अपघातात वाहनात बसलेले ४ ते ५ प्रवासी किरकोळ जखमी झाल्याची प्राथमिक माहिती मिळाली आहे. तर अपघातात सुदैवाने कोणतीही जीवितहानी झालेली नाही. अपघाताची माहिती मिळताच बाजूच्या गावातील नागरिकांनी धाव घेत गाडीतील जखमींना बाहेर काढले. दरम्यान भरधाव वाहन १०० फूट खोल दरीत कोसळल्यामुळे वाहनाचा चुराडा झालेला आहे.