Mumbai : निमंत्रण पत्रिकेत नाव, पण १ गोष्ट खटकली; आदित्य ठाकरे नाराज, BDDच्या कार्यक्रमात अनुपस्थित राहणार?

 

Mumbai : वरळी बीडीडी चाळ पुनर्विकास प्रकल्पांतर्गत पहिल्या टप्प्यात म्हाडातर्फे ५५६ रहिवाशांना चावी वाटप केले जाणार आहे. चाव्या वाटपाचा कार्यक्रम आज सकाळी ११ वाजता यशवंत नाट्यमंदिर येथे पार पडणार आहे. या कार्यक्रमाला मुख्यमंत्री देवेंद्र फडणवीस, उपमुख्यमंत्री एकनाथ शिंदे, उपमुख्यमंत्री अजित पवार यांच्यासह अनेक मंत्री उपस्थित राहणार असल्याची माहिती आहे. स्थानिक आमदार आदित्य ठाकरे यांचंही नाव निमंत्रित पत्रिकेत आहे. मात्र, आदित्य ठाकरे अनुपस्थित राहणार असण्याची शक्यता आहे.

आज १४ ऑगस्ट रोजी वरळी बीडीडी चाळ पुनर्विकास प्रकल्पाच्या पहिल्या टप्प्यात म्हाडातर्फे ५५६ रहिवाशांना चाव्या वाटप करण्यात येणार आहे. या कार्यक्रमात आदित्य ठाकरे यांचं नाव आहे. मात्र, नाव असूनही ते उपस्थित राहणार नसल्याची माहिती आहे. भाषणाचा कार्यक्रम नसल्याने ते उपस्थित राहणार नसल्याची शक्यता आहे.

Maharashtra : शिल्पा शेट्टी अन् राज कुंद्राविरूद्ध गुन्हा; ६० कोटींची आर्थिक फसवणूक, नेमकं प्रकरण काय?

या कार्यक्रमात मुख्यमंत्री आणि दोन्ही उपमुख्यमंत्री यांचीच भाषणं होणार आहेत. मात्र, बीडीडी चाळ पुनर्विकास कार्यक्रमात स्थानिक आमदार असूनही आदित्य ठाकरे यांचं भाषण नसल्यामुळे ते नाराज असल्याची चर्चा आहे. दरम्यान, इतर शिवसेना ठाकरेंचे नेते उपस्थित राहणार असल्याची माहिती आहे.

वरळी, नायगाव आणि ना.म. जोशी मार्ग येथे बीडीडी चाळी आहेत. या चाळीचा पुनर्विकास म्हाडाच्या माध्यमातून करण्यात आल्या. सुमारे ९२ एकर जमिनीवर १९५ बीडीडी चाळी असून, टप्प्याटप्प्यानं या चाळींचा पुनर्विकास केला जाणार आहे. दरम्यान, बीडीडी चाळीतील रहिवाशांना ५०० चौरस फुटांची सदनिका दिली जाणार असून, त्याची सुरूवात झालीये.

पात्र रहिवाशांना 500 चौरस फूट चटई क्षेत्रफळाची 2 बीएचके सदनिका विनामूल्य.

अत्याधुनिक सोयीसुविधा: व्हिट्रीफाईड टाईल्स, ग्रॅनाइट ओटा, अॅल्युमिनियम फ्रेम खिडक्या, ब्रँडेड प्लंबिंग फिटिंग्स.

प्रत्येक घराला एक पार्किंग, पोडियम पार्किंगवर उद्यान, अग्निरोधक यंत्रणा, 3 लिफ्ट (1 स्ट्रेचर लिफ्ट, 1 फायर लिफ्ट).