Mumbai | दादर मार्केट गुलाबांच्या रंगात रंगले; व्हॅलेंटाईन डेसाठी फुलांची जोरदार मागणी

14 फेब्रुवारी म्हणजेच ‘व्हॅलेंटाईन डे’ आज साजरा केला जात आहे, जो दिवस एकमेकांवर प्रेम व्यक्त करण्याचा विशेष दिवस मानला जातो. या दिवशी प्रेमी-प्रेमिका, मित्रमंडळी आणि नातेवाईक एकमेकांना गोड भेटवस्तू देतात, त्यात गुलाबाचे फूल हे सर्वाधिक लोकप्रिय ठरते. मुंबईतील दादरच्या फुल मार्केटमध्ये आज हा उत्साह आणि गजबज स्पष्ट पहायला मिळत आहे. दादर मार्केटमधील सगळी फुलांची दुकाने विविध रंगांच्या गुलाबांनी तुडुंब भरली आहेत. लाल, गुलाबी, पांढरे, पिवळे आणि केशरी रंगाचे गुलाब आज विशेष आकर्षणाचे केंद्र बनले आहेत. मात्र, आजच्या दिवशी प्रेमाचे प्रतीक मानल्या जाणाऱ्या लाल गुलाबाला सर्वाधिक मागणी आहे. सकाळपासूनच तरुण-तरुणी, कॉलेजमधले विद्यार्थी, ऑफिसमधले कर्मचारी आणि इतर ग्राहकांची फुलांच्या दुकानांवर प्रचंड गर्दी केली आहे. दुकानदारांनीही आजच्या दिवशीचा उत्साह अनुभवला असून फुलांची भरघोस मागणी झाल्याने त्यांना समाधान आणि आनंद व्यक्त केला आहे. व्हॅलेंटाईन डेच्या पार्श्वभूमीवर दादर मार्केटमध्ये फुलांची विक्री सामान्य दिवसांच्या तुलनेत किमान तीन ते चारपट वाढलेली आहे. दुकानदारांच्या मते, हा दिवस त्यांच्या व्यवसायासाठी अत्यंत महत्वाचा आहे.