मोठी कारवाई! दिल्लीत दहशतवादी हल्ल्याचा कट उधळला; ISIच्या ९ एजंट्सना अटक, मोठा शस्त्रसाठा जप्त!

नवी दिल्ली: दिल्ली पोलिसांनी एका मोठ्या दहशतवादी हल्ल्याचा कट उधळवून लावत पाकिस्तानची गुप्तचर संघटना 'ISI' च्या ९ एजंट्सना अटक केली आहे. हे संशयित दहशतवादी देशाची राजधानी दिल्लीसह मुंबई आणि इतर मोठ्या शहरांमध्ये भीषण दहशतवादी हल्ला करण्याच्या तयारीत होते.

नेमके काय घडले? मिळालेल्या माहितीनुसार, अटक करण्यात आलेले संशयित हे दिल्ली, मुंबई आणि पंजाबमधील रहिवासी आहेत, तर काही जण परदेशी नागरिक असल्याची शक्यता आहे. धक्कादायक बाब म्हणजे, हे सर्व संशयित ISI च्या इशाऱ्यावर भारतात घातपात घडवण्याचा प्लॅन करत होते आणि त्यांचा मुंबई अंडरवर्ल्डशी संबंध असल्याचेही प्राथमिक तपासात समोर आले आहे.

काय आहे कट? तपासात असे समोर आले आहे की, ISI भारताला हादरवण्यासाठी भारताच्याच नागरिकांचा वापर करत होती. यामुळे त्यांना पाकिस्तानमधून माणसे पाठवण्याचा धोका पत्करावा लागणार नव्हता. त्यांच्या निशाण्यावर देशातील पॉवर प्लांट्स, न्यूक्लियर प्लांट्स, प्रमुख विमानतळ आणि रेल्वे स्टेशन्स होती.

मोठा शस्त्रसाठा जप्त दिल्ली पोलिसांच्या स्पेशल सेलने कारवाई करत संशयितांकडून मोठ्या प्रमाणावर शस्त्रसाठा जप्त केला आहे. यामध्ये पाकिस्तानमधून तस्करी करून आणलेली स्फोटके, ग्रेनेड्स आणि अनेक घातक शस्त्रांचा समावेश आहे. सध्या सर्व ९ संशयितांची सखोल चौकशी सुरू असून, या नेटवर्कशी संबंधित इतर लोकांचा शोध घेतला जात आहे.

 

सविस्तर वाचा, लिंक कमेंट मध्ये : https://punenews24.in/https://punenews24.in/