Latur ST Bus Accident : लातुरात एसटी चालकाचा बसवरील ताबा सुटून भीषण अपघात; ३० प्रवासी जखमी

लातुरात एसटी बस उलटल्याची घटना घडली आहे. लातुर-पुणे एसटी बस मुरुड जवळच्या बोरगावकाळे इथं उलटली आहे. एसटी चालकाचा ताबा सुटल्याने बस पुलाखाली जात उलटली . आज मंगळवारी सकाळी दहाच्या सुमारास हा अपघात घडला आहे. अपघातानंतर परिसरात एकच खळबळ उडाली आहे. 

मिळालेल्या माहितीनुसार,लातूर पुणे एसटी बस मुरुड जवळच्या बोरगावकाळे इथं उलटली आहे. एसटी चालकाचा ताबा सुटल्याने बस पुलाखाली जात उलटली आहे. आज, मंगळवारी सकाळी दहा वाजणाच्या सुमारास हा अपघात घडला आहे. या अपघातानंतर परिसरात एकच खळबळ उडाली. अपघातानंतर प्रवाशांमध्ये एकच भीती पसरली.

एसटी बसच्या अपघातात एसटीमधील ३० प्रवासी जखमी झाले आहेत. तर गंभीररित्या जखमी झालेल्या १४ जणांना लातुरच्या शासकीय रुग्णालयात तातडीने हलविण्यात आले आहे. काही जखमी प्रवाश्यांवर मुरुड येथील रुग्णालयात उपचार करण्यात येत आहेत.