Latur Accident : लातूर हळहळलं! गाडीवरील नियंत्रण सुटून भीषण अपघात; बाप- लेकाचा दुर्दैवी अंत

Latur Accident : लातूर जिल्ह्यामध्ये कालपासून अपघातांचे सत्र सुरू आहे. काल लातूरच्या निलंगा- देवणी महामार्गावर कार आणि ट्रकचा भीषण अपघात झाला, तर या अपघातात कार मधील चार जणांचा जागीच मृत्यू झाला.

तर कालच्याच दिवशी उदगीरच्या लोहारा पाटी इथे नवरदेव आणि चुलत भावाचा भीषण अपघातात मृत्यू झाला. या घटना ताज्या असतानाच आज पहाटे लातूर बीड महामार्गावरील कोळगाव तांडा इथे भीषण अपघात झाला आहे. ज्यामध्ये बाप- लेकाचा दुर्दैवी मृत्यू झाला.

Pune Gokhale Institute : पुण्यातील गोखले इन्स्टिट्यूटच्या भिंतींवर देशविरोधी घोषणा, अखिल भारतीय विद्यार्थी परिषद आक्रमक

याबाबत अधिक माहिती अशी की, आज पहाटे (११, एप्रिल) लातूरच्या बीड महामार्गावरील कोळगाव तांडा इथे भीषण अपघात झाला आहे. या अपघातात बाप- लेकाचा दुर्दैवी मृत्यू झाला. या घटनेने परिसरात हळहळ व्यक्त होत आहे. भरधाव कारला कट मारल्यानंतर नियंत्रण सुटल्याने हा अपघात झाल्याचे सांगण्यात येत आहे.

गाडीला कट मारल्यानंतर चालकाचे गाडीवरील नियंत्रण सुटले आणि कार डिवाइडरला धडकून हा  भीषण अपघात झाला. या अपघातात मल्लिकार्जुन कनडे आणि राहुल कनडे या दोन पिता पुत्रांचा जागीच मृत्यू झाला तर गाडीमधील इतर चार व्यक्तींना गंभीर दुखापत झाली आहे.

ही धडक इतकी भीषण होती की, गाडीच्य समोरच्या भागाचा पुर्णपणे चक्काचूर झाला. या घटनेची माहिती मिळताच स्थानिकांसह पोलिसांनी घटनास्थळी धाव घेत अपघातग्रस्तांना मदत केली. अपघातातील जखमींना लातूरच्या रुग्णालयात पाठवण्यात आल्याची माहिती समोर आली आहे. तसेच अपघातानंतर घटनास्थळी रेनापुर पोलिसांनी पंचनामा करत पुढील तपास करत आहेत.