Gadchiroli Food Poisoning : बारशाचं जेवण महागात पडलं! ५ चिमुकल्यांसह २८ जणांना विषबाधा; रुग्णालयात उपचार सुरू

याबाबत सविस्तर माहिती अशी की, धानोरा तालुक्यातील शेवटच्या टोकावरील छत्तीसगड सीमेवरच्या झाडापापडा ग्रामपंचायत अंतर्गत राेपीनगट्टा येथील सुरगू मुरा टेकाम यांच्या नातीच्या नामकरण विधीचा कार्यक्रम 4 जुलैला आयोजित केला हाेता. यानिमित्ताने टेकाम परिवाराने खास सामीश जेवणाचा बेत आखला होता.

मात्र, पहिल्या पंगतीत जेवण केलेल्यांना 15 मिनिटांतच उलट्या, मळमळ, डोकेदुखी असा त्रास व्हायला सुरुवात झाली. त्यानंतर एकच गोंधळ उडाला, दुसरी पंगत थांबविण्यात आली. प्रकृती अत्यवस्थ झालेल्या सर्व 18 जणांना पेंढरी येथील प्राथमिक आराेग्य केंद्रात दाखल केले.