Fire News : येवलामध्ये कपड्याच्या दुकानाला भीषण आग, लाखाेंचे नुकसान; भंडारा शहरात सिलेंडरच्या स्फाेटात घर जळून खाक

Fire News : नाशिक जिल्ह्यातील येवला शहरातील मेनरोड वरील पारख क्लॉथ या कपड्याच्या दुकानाला मध्यरात्रीच्या सुमारास शार्टसर्किटमुळे भीषण आग लागली. या घटनेत लाखाे रुपयांचे नुकसान झाल्याची प्राथमिक माहिती उपलब्ध झाली आहे. दुसरीकडे भंडारा शहरात गॅस सिलिंडरचा स्फाेट झाल्याने एक घर जळून खाक झाले आहे.

येवला येथे पारख क्लॉथला आग लागल्यानंतर त्याच दुकानात झोपलेल्या तीन कर्मचा-यांनी आरडा-ओरडा सुरु केला. त्यामुळे परिसरातील नागरिकांनी दुकानाकडे धाव घेत मदत कार्य सुरु केले. नागरिकांनी आग विझविण्यासाठी प्रयत्न केला. परंतु कपड्यामुळे आग भडकली. मनमाड, कोपरगाव येथून फायर ब्रिगेडच्या गाड्या आल्या. सुमारे तीन तासाच्या प्रयत्नांनंतर आग विझविण्यात यश आले. या आगीत लाखो रुपयाच नुकसान झाले आहे.

Weather Update : विदर्भावर पुन्हा अवकाळीचं संकट; 'या' जिल्ह्यांमध्ये पावसाची शक्यता

सिल्लीमध्ये सिलेंडरच्या स्फाेटात घर जळून खाक

भंडारा शहरा लगत असलेल्या सिल्ली येथे सिलेंडरचा स्फाेट झाल्याने संपुर्ण घर जळून खाक झाले. लक्ष्मी फंदे या सकाळी स्वयंपाक करीत हाेत्या. गॅसवर भाजी ठेऊन दूसरीकडे काम करत असताना अचानक गॅसने पेट घेतला व सिलेंडरने आग पकडली. 

त्यामुळे सिलेंडरचा स्फाेट झाला. सुदैवाने लक्ष्मी या घराबाहेर हाेत्या. त्यामुळे ते बचावल्या. या घटनेत घरातील जीवनावश्यक वस्तू जळून खाक झाल्या. त्यामुळे लाखो रुपयांचे नुकसान झाले आहे.