Electric Shock : विजेच्या झटक्याने युवकाचा मृत्यू; नातेवाईकानी केली शासकीय रुग्णालयाची तोडफोड

Electric Shock : विजेचा जोरदार झटका लागल्याने युवकाचा मृत्यू झाल्याची घटना परभणीच्या सोनपेठ परिसरात घडली आहे. दरम्यान विजेचा झटका बसलेल्या युवकाला रुग्णालयात नेले असता डॉक्टरांकडून लवकर उपचार न मिळाल्याने त्याचा मृत्यू  झाल्याचे आरोप करत मेऊटच्या नातेवाईकांनी रुग्णालयात तोडफोड केली. 

किसन मस्के असे सदरच्या घटनेत मृत झालेल्या तरुणाचे नाव आहे. किसन म्हस्के या युवकाला विजेचा जोरदार झटका  बसला होता. यानंतर त्याच्या नातेवाईकांनी त्याला उपचारासाठी सोनपेठच्या ग्रामीण रुग्णालयात उपचारासाठी दाखल केले. मात्र जखमींवर उपचार करण्यासाठी रुग्णालयात एक देखील  डॉक्टर किंवा इतर सहकारी नसल्याने त्यास वेळेवर उपचार मिळू शकले नाही. यात युवकाचा मृत्यू झाल्याचा आरोप नातेवाईकानी केला आहे. 

Maharashtra Lok Sabha : 'मी लोकसभा निवडणूक लढणार आणि जिंकणार', प्रकाश आंबेडकरांच्या भेटीनंतर वसंत मोरेंचं वक्तव्य

रुग्णालयात तोडफोड 

दरम्यान विजेचा धक्का लागलेल्या तरुणावर वेळेवर उपचार न मिळाल्याने संतप्त झालेल्या नातेवाईकानी सोनपेठच्या ग्रामीण रुग्णालयाची तोडफोड केली. डॉक्टरांच्या हलगर्जीपणा पणामुळे युवकाचा जीव गेल्याचा आरोप नातेवाईकांनी केला आहे. या संपूर्ण प्रकरणाचा पोलिसांकडून तपास सुरु करण्यात आला आहे.