Dhule News : ट्रकचालकाने दुचाकीचालकाला चिरडलं; संतप्त जमावाकडून ट्रकवर दगडफेक

Dhule News : धुळे शहरातील देवपूर परिसरातील एल एम सरदार हायस्कूल समोर ट्रक व दुचाकीचा भीषण अपघात झाला असून या अपघातामध्ये दुचाकी चालकाचा ट्रक खाली चिरडून मृत्यू झाला आहे. परिसरातील संतप्त जमावाने ट्रकवर दगडफेक करून ट्रकच्या दोन्ही काचा फोडल्या असून घटनेची माहिती मिळताच देवपूर पोलिसांनी तात्काळ घटनास्थळी दाखल होत ट्रक चालकाला ताब्यात घेतले आहे.