"क्रेडिट कार्ड वापरकर्त्यांसाठी महत्त्वाची बातमी: १ जूनपासून कोटक, आयसीआयसीआय आणि एचडीएफसीच्या नियमांत मोठे बदल!"

१ जून २०२६ पासून देशभरात अनेक बँकिंग आणि आर्थिक नियमांमध्ये बदल झाले आहेत. याचा थेट परिणाम क्रेडिट कार्डधारकांच्या खिशावर होणार आहे. कोटक महिंद्रा बँक, आयसीआयसीआय बँक, बँक ऑफ बडोदा आणि एचडीएफसी बँकेने आपल्या क्रेडिट कार्ड धोरणांमध्ये महत्त्वाचे बदल केले आहेत.

१. कोटक महिंद्रा बँक: कोटक महिंद्रा बँकेने १ जूनपासून रिवॉर्ड पॉईंट्स आणि शुल्काबाबत नवीन नियम लागू केले आहेत:

• युटिलिटी बिले, इंधन (Fuel), भाडे (Rent) आणि शिक्षण पेमेंटवर रिवॉर्ड पॉईंट्स मिळण्यावर मर्यादा (Capping) आणली आहे.

• रिवॉर्ड पॉईंट्सच्या 'रिडेम्पशन व्हॅल्यू'मध्ये कपात करण्यात आली आहे.

• सर्व प्रकारच्या रेंट आणि एज्युकेशन पेमेंटवर १% ट्रांजॅक्शन फी आकारली जाईल.

• टीप: 'व्हाइट रिझर्व्ह', 'सॉलिटेअर', 'इन्फिनिट', 'सिग्नेचर', 'इंडियन ऑईल' आणि 'मिंत्रा कोटक' यांसारख्या निवडक कार्ड्सना इंधन शुल्कातून सूट देण्यात आली आहे.

२. आयसीआयसीआय बँक:

• आयसीआयसीआय बँकेने १८ जूनपासून आपल्या 'अॅमेझॉन पे क्रेडिट कार्ड'वर रेंट पेमेंट केल्यास मिळणारा १% रिवॉर्ड पॉईंट्सचा फायदा बंद करण्याचा निर्णय घेतला आहे.

३. बँक ऑफ बडोदा:

• बँक ऑफ बडोदाच्या 'वन को-ब्रँडेड क्रेडिट कार्ड'वरील थकीत रक्कमेवर (Unpaid Dues) व्याजदर वाढवण्यात आला आहे. हा दर ३.४९% वरून वाढवून ३.७५% प्रति महिना करण्यात आला आहे, जो २३ जून २०२६ पासून लागू होईल.

४. एचडीएफसी बँक:

• एचडीएफसी बँकेने एसएमएस अलर्ट नियमात बदल केला आहे. २५ जून २०२६ पासून लहान व्यवहारांसाठी एसएमएस पाठवणे बंद केले जाईल.

• केवळ यूपीआय व्यवहारांवरच मेसेज येतील. पैसे पाठवताना १०० रुपयांपेक्षा जास्त आणि पैसे खात्यात जमा होताना ५०० रुपयांपेक्षा जास्त व्यवहारांवरच मेसेज अलर्ट मिळतील. इतर व्यवहारांची माहिती ग्राहकांना ईमेलद्वारे दिली जाईल.

तज्ज्ञांचा सल्ला: बँकेचे हे बदल खर्च व्यवस्थापनाचा भाग आहेत. त्यामुळे क्रेडिट कार्ड वापरकर्त्यांनी बँकेच्या अधिकृत वेबसाईट किंवा ॲपवरून आपल्या कार्डशी संबंधित नवीन नियमांची खात्री करून घ्यावी आणि वेळेवर बिल भरण्यावर भर द्यावा.

 

 

सविस्तर वाचा, लिंक कमेंट मध्ये:https://punenews24.in/