Buldhana Bus Fire : बुलढाण्यात खाजगी बसला भीषण आग, ४८ प्रवासी थोडक्यात बचावले

परंतु प्रवाशांच्या साहित्यासह संपूर्ण बस जाळून खाक झाली आहे. आगीची माहिती मिळताच अग्निशमन दलाच्या जवानांसह पोलिसांनी घटनास्थळी धाव घेतली. अथक प्रयत्नानंतर आग आटोक्यात आली. भररस्त्यातच बसने पेट घेतल्यामुळे महामार्गावर वाहनांच्या लांबच लांब रांगा लागल्या होत्या. पोलिसांनी तातडीने वाहतूक सुरळीत केली.

मिळालेल्या माहितीनुसार, चंद्रपूर येथून लग्नाचे वऱ्हाड घेऊन खाजगी बस बुलढाण्याकडे परतत होती. चिखली तालुक्यातल्या मेहकर फाटा येथे बस आली असता. काही प्रवासी चहा घेण्यासाठी खाली उतरले. त्याचवेळी बसमध्ये अचानक शॉर्टसक्रिट झाले. त्यामुळे क्षणार्धात बसला आग लागून मोठा भडका उडाला. बसमध्ये असलेल्या प्रवाशांनी बाहेर पडून कसाबसा आपला जीव वाचवला.