'पार्टनर हो, नाहीतर १ कोटी दे!' इंदूरच्या बिल्डरला धमकी; भोपाळमध्ये पकडलेल्या 'हनी गर्ल' श्वेता जैनबाबत धक्कादायक खुलासा!

भोपाळ/इंदूर: मध्य प्रदेशातील २०१९ मधील अत्यंत बहुचर्चित आणि हायप्रोफाईल 'हनीट्रॅप' (Honeytrap Case) प्रकरणातील मुख्य आरोपी श्वेता जैन हिला पोलिसांनी पुन्हा एकदा भोपाळमधून ताब्यात घेतले आहे. एका बड्या बिल्डर आणि दारू व्यावसायिकाला ब्लॅकमेल करून १ कोटी रुपयांची खंडणी मागितल्याप्रकरणी आणि "व्यवसायात ५० टक्के पार्टनर हो, नाहीतर जीवे मारू," अशी धमकी दिल्याप्रकरणी ही कारवाई करण्यात आली आहे. श्वेता जैन पुन्हा सक्रिय झाल्याचे समोर आल्याने संपूर्ण मध्य प्रदेश आणि महाराष्ट्रातील गुन्हेगारी वर्तुळात मोठी खळबळ उडाली आहे.

नेमके काय आहे प्रकरण?हा संपूर्ण प्रकार तक्रारदार हितेंद्र सिंह उर्फ चिंटू ठाकूर (रा. इंदूर) यांच्या तक्रारीवरून समोर आला आहे. हितेंद्र सिंह हे मालमत्ता आणि दारू व्यवसायात कार्यरत आहेत. काही दिवसांपूर्वी त्यांची ओळख अलका दीक्षित आणि लखन चौधरी नावाच्या व्यक्तींशी झाली होती. अलका दीक्षितसोबत ५० टक्के भागीदारीचा (Partnership) करार करण्यासाठी हितेंद्र यांच्यावर सातत्याने दबाव टाकला जात होता. मात्र, हितेंद्र यांनी या कराराला स्पष्ट नकार दिला. याच नकाराचा वचपा काढण्यासाठी २८ एप्रिलच्या रात्री जेव्हा हितेंद्र सिंह हे सुपर कॉरिडॉरवरून आपल्या गाडीतून जात होते, तेव्हा आरोपींनी त्यांची गाडी अडवली. अलका दीक्षित, तिचा मुलगा जयदीप, लखन चौधरी आणि इतर काही गुंडांनी हितेंद्र यांना कारमधून ओढून बेदम मारहाण केली.

"आमचे ५०% पार्टनर व्हा, नाहीतर एक कोटी रुपये द्या," अशी धमकी देत आरोपींनी त्यांच्या कुटुंबाला संपवण्याची आणि आक्षेपार्ह फोटो-व्हिडीओ सोशल मीडियावर व्हायरल करण्याची धमकी दिली. तपासात समोर आले 'हनीट्रॅप' क्वीनचे नावया प्रकरणी इंदूर पोलिसांनी गंभीर कलमांखाली गुन्हा दाखल करून तपास सुरू केला. पोलिसांच्या गुन्हे शाखेने संशयितांचे कॉल रेकॉर्ड्स (CDR), मोबाईल चॅट्स, आर्थिक व्यवहार आणि सोशल मीडिया कनेक्शन तपासले. या तांत्रिक विश्लेषणामध्ये एका मोबाईल क्रमांकावरून सातत्याने या संपूर्ण कटाचे नियोजन केले जात असल्याचे उघड झाले. हा नंबर दुसरा कोणाचा नसून २०१९ मधील कुप्रसिद्ध हनीट्रॅप प्रकरणातील मुख्य आरोपी श्वेता स्वप्निल जैन हिचा होता.भोपाळमधून नाट्यमय अटकश्वेता जैनचे नाव समोर येताच इंदूर पोलिसांचे एक विशेष पथक तातडीने भोपाळला रवाना झाले.

भोपाळमधील मिनाल रेसिडेन्सी परिसरातून पोलिसांनी श्वेता जैन हिला अत्यंत गोपनीय रितीने ताब्यात घेतले. २०१९ च्या हायप्रोफाईल प्रकरणात अनेक मोठे नेते, आयएएस (IAS) अधिकारी आणि उद्योगपतींना मुलींच्या जाळ्यात अडकवून त्यांचे व्हिडिओ बनवून ब्लॅकमेल केल्याचा आरोप श्वेतावर होता. जामिनावर बाहेर आल्यानंतर तिने पुन्हा एकदा आपला जुना ब्लॅकमेलिंग आणि खंडणीचा (Extortion) नेटवर्क सक्रिय केल्याचे या तपासातून उघड झाले आहे.या नव्या गुन्ह्यात श्वेताची नेमकी काय भूमिका होती आणि तिने आणखी किती बड्या व्यावसायिकांना आपल्या जाळ्यात ओढले आहे, याचा सखोल तपास पोलीस करत आहेत.