Ajit Pawar Death: अजितदादांच्या अपघात प्रकरणात मोठी अपडेट, विमानाच्या हवाई प्रवास क्षमतेचा तपास होणार

अजित पवारांच्या विमान अपघात प्रकरणात मोठी अपडेट समोर आली आहे. विमानाच्या एअरवर्थिनेस म्हणजेच हवाई प्रवासक्षमता आणि विमानाची उड्डाण योग्यतेबाबत तपास होणार आहे. DGCA कडून विमानाच्या एअरवर्थिनेस आणि ऑपरेशनल कंडीशन याबाबत समांतर चौकशी सुरू आहे. तपासाअंती ते विमान उडण्यासाठी सुरक्षित होतं का? याबाबत स्पष्टता येणार आहे. या तपासणीला पुढील १० ते १५ दिवस लागण्याची शक्यता आहे . तपास यंत्रणेकडून खासगी विमान कंपनीच्या विविध कागदपत्रांची पडताळणी होणार असल्याची देखील माहिती समोर आली आहे.

दरम्यान, राज्याचे उपमुख्यमंत्री अजित पवार यांच्या विमानाला २८ जानेवारीला अपघात झाला होता. हे विमान बारामती विमानतळाजवळ कोसळले. या विमान अपघातामध्ये अजित पवार यांच्यासह ५ जणांचा मृत्यू झाला होता. अजित पवार मुंबईवरून बारामतीला सभेसाठी जात होते. जिल्हा परिषद निवडणूक प्रचारासाठी ते बारामतीत ४ सभा घेणार होते. पण बारामतीत पोहचण्यापूर्वीच त्यांचे विमान कोसळले.