Mumbai : मोठा भाऊ गेल्याचं दु:ख, कधीही न भरुन निघणारं हे नुकसान; अजित दादांच्या निधनानंतर एकनाथ शिंदे भावूक

Mumbai :  राज्याचे उपमुख्यमंत्री अजित पवार यांचा बारामती येथे विमान अपघातात निधन झालं आहे. ते मुंबईहून बारामतीसाठी निघाले होते. तेव्हा लँडिंगवेळी त्यांच्या विमानाला अपघात झाला आणि त्यात विमानातील सर्वांचा मृत्यू झाला. या घटनेने पवार कुटुंबीय, राष्ट्रवादीच्या नेते-कार्यकर्त्यांस संपूर्ण राज्यावर दु:खाचा डोंगर कोसळला आहे. या घटनेची माहिती मिळाल्यानंतर उपमुख्यमंत्री एकनाथ शिंदे हे देखील भावूक झाले होते. माझ्या मनात मोठा भाऊ गेल्याचं दु:ख असल्याचं ते म्हणाले. यावेळी त्यांचा कंठ दाटून आला होता, तर डोळ्यातही पाणी तरळलेलं पाहायला मिळालं.

मनाला वेदना देणारी, चटका लावून जाणारी घटना महाराष्ट्रात घ़डली आहे. हे कोणाच्या स्वप्नातही आलं नसेल की अजित दादा इतक्या लवकर आपल्यातून जातील. हे महाराष्ट्रासाठी अत्यंत दु:खद आणि दुर्दैवी आहे. अजित दादा गेले अनेक वर्ष राज्याच्या राजकारणाच नेतृत्व करत होते., अतिशय परखड, स्पष्टवक्तेपणा आणि प्रशासनावर असलेली त्यांची पकड आपण पहिली आहे. प्रत्येक गोष्टीचा बारीक अभ्यास करुन बोलण्याची सवय त्यांना होती. निर्भीड बोलणारे असले तरी सुद्धा, अतिशय मनाने निर्मळ होते, याचा अनुभव मी घेतला आहे. त्यांच्यासोबत मंत्रिमंडळातही काम केलं, मी मुख्यमंत्री असताना त्यांनी उपमुख्यमंत्री म्हणून काम केलं. योजना सुरु करताना आर्थिक तरतूद त्यांनी अतिशय उत्कृष्टपणे केली. त्य़ाचा अनुभव मला आहे. एकदा ठरवलं की ते करायचेच.

Pune : अजित पवार यांचं विमान अपघातात निधन, मृत्यूच्या काही मिनिटं आधीचं ट्वीट व्हायरल, काय म्हणाले होते?

मी, अजित दादा आणि मुख्यमंत्री देवेंद्र फडणवीस आम्ही टीम म्हणून काम करत होतो. वेळेचं महत्त्व ठेवणारा नेता हरपला आहे. काल-परवा आमची भेट झाली होती, तेव्हा आमच्या गप्पा गोष्टी झाल्या. जेव्हा आज सकाळी ही घटना कळाली तेव्हा समोर तेच सर्व आलं. ते अत्यंत अनुभवी नेते होते, त्यांचा अभ्यास खूप चांगला होता. राज्याची आर्थिक परिस्थिती कशी आहे आपल्याला काटकसर करावं लागेल असा नेता आम्ही अनुभवला आहे. त्यांच्या जाण्याने फक्त पवार कुटुंबाचंच नाही तर संपूर्ण राज्याचं न भरुन निघणारं नुकसान झालं आहे.

 

 



विडियो गॅलेरी

1 thought on “Mumbai : मोठा भाऊ गेल्याचं दु:ख, कधीही न भरुन निघणारं हे नुकसान; अजित दादांच्या निधनानंतर एकनाथ शिंदे भावूक

Leave a Reply

Your email address will not be published. Required fields are marked *