Sanjay Raut : देवेंद्र फडणवीसांनी त्यांचा पक्ष वाचवून दाखवावा; पक्षफोडीच्या वक्तव्यानंतर संजय राऊतांचं ओपन चॅलेंज

त्यांना प्रत्युत्तर देताना संजय राऊतांनी आजच्या पत्रकार परिषदेत पुढे म्हटलं की, ज्या दिवशी आमच्या हाती केंद्राची सत्ता ईडी आणि सीबीआयसह येईल त्या दिवशी देवेंद्र फडणवीसांनी त्यांचा पक्ष वाचवून दाखवावा, असं थेट ओपन चॅलेंज राउतांनी केलं आहे.

दुसऱ्यांची पोरं पळवणारा पक्ष

भाजप दुसऱ्यांची पोरं पळून मोठा झालेला पक्ष आहे. भारतीय जनता पक्ष हा दुसऱ्यांची पोरं पळवणारा पक्ष. स्वतःची पोरं नाहीत. सर्व फोडलेली पोरं आमची ते घेऊन ते बसले आहेत. स्वतःच्या पोरांचे पाळणे हलवा दुसऱ्यांच्या पोरांचे पाळणे हालवू नका ते पुन्हा पळून जातील, असा इशारा देखील संजय राऊतांनी भाजपला दिला आहे.

भारतीय जनता पार्टी भरष्टाचार पार्टी

भ्रष्टाचारला समर्पण देणारी पार्टी आणि भ्रष्टाचार काम करणारी पार्टी ही भाजपची ओळख आहे. ते आरशात बघितलं तर त्यांना फक्त भ्रष्टाचार दिसणार. मी 15 दिवसांपूर्वी गृहमंत्री देवेंद्र फडणीस यांना पत्र लिहिले होते. महाराष्ट्रामध्ये ऑनलाईन जुगार पार्टी सुरू आहे. त्याच्यावर बंदी आणावी त्या जुगारामध्ये महाराष्ट्रातील तरुण मुलं बिघडत आहेत. मात्र त्यावर काही कारवाई झाली नाही, असंही राऊतांनी भाजपवर टीका करताना सांगितलं.