संपूर्ण जगासाठी आनंदाची बातमी! कोर्टाच्या धक्क्यानंतर डोनाल्ड ट्रम्प यांनी केली आदेशावर सही, सर्वच देशांवर आता..

अमेरिकेचे राष्ट्राध्यक्ष डोनाल्ड ट्रम्प मागील काही दिवसांपासून अनेक देशांवर मोठे निर्बंध लादताना दिसत आहेत. डोनाल्ड ट्रम्प यांना हवे ते केले नाही किंवा त्यांचे म्हणणे ऐकले नाही की, लगेचच मोठा टॅरिफ लावला जात आहे. भारत रशियाकडून तेल खरेदी करत असल्याने अमेरिकेचा जळफळाट उठला होता. भारताने रशियाकडून तेल खरेदी थांबवावी याकरिता दबाव होता. पण भारताने अमेरिकेचे म्हणणे ऐकले नसल्याने भारतावर थेट 50 टक्के टॅरिफ लावण्यात आला. आता तो टॅरिफ कमी करून 18 टक्क्यांवर आणला. मात्र, यामागेही मोठे षडयंत्र आहे. भारतासोबत व्यापारी करार पूर्ण करण्यासाठी भारतीय मार्केटमध्ये प्रवेश मिळवण्याकरिता अमेरिकेने टॅरिफ कमी केला. डोनाल्ड ट्रम्प फक्त भारतच नाही तर अनेक देशांना टॅरिफच्या माध्यमातून धमकावताना दिसत आहेत. डोनाल्ड ट्रम्प यांना अमेरिकेच्या कोर्टाने दणका दिला असून हा टॅरिफ बेकायदेशीर असल्याचे म्हटले. इतका टॅरिफ लावू शकत नसल्याचेही त्यांनी म्हटले.

अमेरिकेच्या कोर्टाने फटकारल्यानंतर डोनाल्ड ट्रम्प यांनी अत्यंत मोठा निर्णय घेतला असून सुरूवातीला त्यांनी कोर्टाच्या निर्णयावर नाराजी दर्शवली आणि थेट एक पाऊल मागे घेत आता जगातील सर्वच देशांवर 10 टक्के टॅरिफ लावण्याचा निर्णय घेतला. म्हणजेच काय तर आता डोनाल्ड ट्रम्प उच्च टॅरिफ कोणत्याही परिस्थितीमध्ये लावू शकणार नाहीत. अमेरिकेत होणाऱ्या आयातीवर 10 टक्के टॅरिफ असणार आहे.

डोनाल्ड ट्रम्प यांनी ओव्हल ऑफिसमधून एका नवीन कार्यकारी आदेशावर सही देखील केली. या आदेशानुसार, आता जगातील सर्वच देशांतून होणाऱ्या आयातीवर 10 टक्के टॅरिफ लागू केला जाईल. चीन, ब्राझील आणि भारतावर मोठा टॅरिफ अमेरिकेने लावला होता.

यावर बोलताना डोनाल्ड ट्रम्प यांनी म्हटले की, मला अभिमान वाटतो की, मी सर्व देशांवर आता 10 टक्के जागतिक कर लावण्याबाबत करार केला. हे धोरण लगेचच लागू होणार आहे. म्हणजेच काय तर आता सर्व देशांवर एकसारखा टॅरिफ असणार आहे. डोनाल्ड ट्रम्प यांनी काही दिवसांपूर्वीच भारताला तब्बल 200 टक्के टॅरिफ लावण्याची मोठी धमकी दिली होती. भारतासह अन्य देशांनाही त्यांच्याकडून अशाप्रकारच्या धमक्या या दिल्या जात होत्या.