मुंबई: खळबळ! मुंबईत समुद्रकिनारी गोणीत आढळला तरुणीचा मृतदेह

मुंबई: मुंबईत खळबळजनक घटना उघडकीस आली आहे. वर्सोवा येथील समुद्रकिनारी एका गोणीत तरुणीचा मृतदेह आढळला आहे. तरुणीचा मृतदेह गोणीत भरून ती चाय-कॉफी चौपाटीवर टाकण्यात आली होती. ही तरुणीचे वय अंदाजे २५ ते ३० वर्षे असावे, असा अंदाज प्राथमिक तपासात व्यक्त करण्यात आला आहे. या तरुणीची हत्या करून मृतदेह गोणीत भरून विल्हेवाट लावण्याचा प्रयत्न आरोपींनी केला असावा, अशी शक्यता व्यक्त करण्यात येत आहे. दरम्यान, मृत तरुणीची ओळख पटली असून, पोलिसांनी पुढील तपास सुरू केला आहे.

मिळालेल्या माहितीनुसार, मुंबईतील वर्सोवा येथील समुद्रकिनारी तरुणीचा मृतदेह आढळला आहे. तरुणीची हत्या करून मृतदेह गोणीत भरून तो समुद्रकिनारी फेकण्यात आल्याचे प्राथमिक तपासात समोर आले आहे. वर्सोवाच्या चाय-कॉफी चौपाटी येथे ही गोणी आढळली. गोणीत तरुणीचा मृतदेह आढळला. मारेकऱ्यांनी तरुणीची हत्या करून मृतदेह गोणीत भरून ती समुद्रकिनारी फेकली असावी, असा अंदाज आहे. मृत तरुणीचे वय अंदाजे २५ ते ३० वर्षे असावे. या घटनेची माहिती मिळाल्यानंतर, पोलीस घटनास्थळी पोहोचले. पाहणी केली असता, गोणीत तरुणीचा मृतदेह असल्याचे आढळले. तरुणीचे हात-पाय बांधण्यात आले होते. तिची हत्या करून, मृतदेहाची विल्हेवाट लावण्याचा प्रयत्न मारेकऱ्यांनी केला असावा. त्यांनी तरुणीचा मृतदेह गोणीत भरून, ती समुद्रकिनारी फेकल्याचे प्राथमिक तपासात आढळून आले आहे.

पोलिसांनी घटनास्थळी पाहणी करून, मृतदेह ताब्यात घेतला. तो विच्छेदनासाठी कुपर रुग्णालयात पाठवण्यात आला आहे. पोलिसांनी या घटनेची नोंद करून तपासाला सुरुवात केली आहे. दरम्यान, तरुणीची ओळख पटली असून, पुढील तपास सुरू आहे, असे पोलिसांकडून सांगण्यात आले.