टी20 वर्ल्डकप स्पर्धा सुरू असताना स्टीव्ह स्मिथची ऑस्ट्रेलियन संघात एन्ट्री, झालं असं की…

T20 World Cup 2026: टी20 वर्ल्डकप स्पर्धेत ऑस्ट्रेलियन संघाचं काही खरं दिसत नाही. स्पर्धा सुरू होण्यापूर्वी संघाला दुखापतीचं ग्रहण लागलं होतं. मिचेल मार्शच्या नेतृत्वात ऑस्ट्रेलियन संघ मैदानात उतरणार होता. पण अचानक ट्रेव्हिस हेडच्या गळ्यात कर्णधारपदाची माळ टाकण्यात आली. आयर्लंडविरुद्धच्या सामन्यात नाणेफेकीवेळी हा बदल दिसला आणि सर्वांना आश्चर्याचा धक्का बसला. पहिल्याच सामन्यात कर्णधार बदलल्याने नेमकं काय झालं हे अनेकांना कळलं नाही. टी20 वर्ल्डकप स्पर्धेपूर्वी सुरू असलेल्या सरावात त्याला ग्रोइन इंजरी झाली होती. त्यामुळे पहिल्या सामन्याला मुकला असं सांगण्यात आलं होतं. पण क्रिकेट ऑस्ट्रेलियाने त्याच्या दुखापतीबाबत अपडेट देताना सांगितलं की, मार्शला अजूनही दुखापत होत आहे आणि त्याला हालचाल करणंही कठीण झालं आहे.

क्रिकेट ऑस्ट्रेलियाने सांगितलं की, ‘स्कॅनमध्ये कन्फर्म झालं की त्याला टेस्टीकुलर ब्लीडिंग होत आहे. त्याला मैदानात परतण्यासाठी आणखी काही काळ आराम करण्याची गरज आहे. वैद्यकीय सल्ल्यानंतरच मार्श मैदानात परतेल.’ त्यामुळे मिचेल मार्श या स्पर्धेला खेळणार की नाही हे अद्याप स्पष्ट नाही. त्यामुळे मिचेल मार्शची जागा कोण घेणार? याची उत्सुकता होता. अखेर दिग्गज फलंदाज स्टीव्ह स्मिथची संघात एन्ट्री झाली आहे. त्याला कव्हर प्लेयर म्हणून संघात स्थान दिलं गेलं आहे.

JUST IN: Mitchell Marsh will miss Australia’s opening match of the T20 World Cup. Marsh is experiencing ongoing pain and discomfort after sustaining a blow to the groin during training earlier this week.

Steve Smith will join the squad in Sri Lanka as cover pic.twitter.com/TCreM9inJo

— ESPNcricinfo (@ESPNcricinfo) February 11, 2026

बिग बॅश लीग स्पर्धेत स्टीव्ह स्मिथने आक्रमक फलंदाजीचा नजराणा सादर केला होता. त्याचं बक्षीस म्हणून त्याला संघात स्थान मिळालं आहे. त्याने सिडनी सिक्सर्सकडून खेळताना सहा सामन्यात 59.80 च्या सरासरीने 299 धावा केल्या. यावेळी त्याचा स्ट्राईक रेट हा 167.97 इतका होता. या काळात त्याने एक शतक आणि दोन अर्धशतकं ठोकली. पण गेल्या काही वर्षात त्याला ऑस्ट्रेलियाच्या टी20 संघात जागा मिळत नव्हती. शेवटचा टी20 सामना 2024 मध्ये खेळला होता. आता पुन्हा एकदा त्याची संघात एन्ट्री झाली आहे. पण त्याला प्लेइंग 11 मध्ये जागा मिळेल की नाही हे मात्र अद्याप गुलदस्त्यात आहे.