मुंबई : २८ वर्षीय विवाहितेचं टोकाचं पाऊल, ८व्या मजल्यावरून उडी घेऊन संपवलं जीवन

डी एन नगर पोलीस ठाण्यातून मिळालेल्या माहितीनुसार, शनिवार १७ डिसेंबर रोजी रात्री १० वाजता महिलेने इमारतीच्या आठव्या मजल्यावरून उडी मारली. रस्त्यावर उभ्या असलेल्या कारवर ती पडली. मोठा आवाज ऐकून इमारतीच्या वॉचमनने जाऊन पाहिले तर एक महिला रक्ताच्या थारोळ्यात पडली होती. चौकीदाराने लगेच इमारतीतील लोकांना आणि पोलिसांना कळवले. माहिती मिळताच पोलिसांनी घटनास्थळ गाठून महिलेला रुग्णालयात नेले, तेथे डॉक्टरांनी तिला तपासून मृत घोषित केले.

पोलिसांना घटनास्थळावरून कोणतीही चिठ्ठी सापडली नसली तरी महिलेने हे पाऊल का उचलले, ही हत्या आहे की आत्महत्या याचा सर्व बाजूने पोलीस तपास करत आहेत. पोलिसांनी गुन्हा दाखल करून नातेवाईक यांचे जबाब नोंदवून मृत महिलेचा मोबाईल तपासण्याबरोबरच पोलिसांनी पुढील तपास सुरू केला आहे.

गेल्या महिन्यात देखील मालेगाव शहरात एका कुटुंबातील पती पत्नी दोघांचे संशयास्पद मृतदेह अढळून आले होते. एकाच वेळी दोघांचे मृतदेह मिळाल्याने परिसरात भीतीचे वातावरवण निर्माण झाले. अलताब हुसेन मोहम्मद सईद आणि अल्कमा अलताब हुसेन अशी मृत दांपत्याची नावे आहेत. अलताब यांचा मृतदेह जखमी अवस्थेत सापडला तर अल्कमाचा मृतदेह अर्धवट जळालेल्या अवस्थेत सापडला. दोघांचेही मृतदेह त्यांच्याच राहत्या घरात आढळून आले होते. पोलिस या घटनेत अजूनही तपास करत आहेत.