उत्तर प्रदेशातही आफताबसारखा क्रूरकर्मा; प्रेयसीचे तुकडे करून विहिरीत फेकले

Uttar Pradesh Crime News : दिल्लीतील श्रद्धा वालकर खून प्रकरणाने देश हादरुन गेलेला असतांना आणखी एक खळबळजनक घटना घडली आहे. उत्तर प्रदेशातील आजमगढमध्ये अंगावर शहारा आणणारी घटना उघडकीस आली आहे. एका वेड्या प्रियकराने प्रेयसीचे लग्न दुसऱ्या ठिकाणी झाल्याच्या रागातून तिचा खून करून तिच्या शरिराचे सहा तुकडे केल्याची धक्कादायक घटना समोर आली आहे. श्रद्धा खून प्रकरणाप्रमाणेच ही हृदयद्रावक घटना उत्तर प्रदेश राज्यातील आझमगड जिल्ह्यात समोर आली आहे. प्रिन्स यादव असे या आरोपीचे नाव आहे. 

९ नोव्हेंबरला आरोपी प्रिन्सने पीडितेला मंदिरात नेले. मंदिरालगत ऊसाच्या शेतात भाऊ सर्वेशच्या मदतीने आरोपीने पीडितेचा गळा आवळून खून केला. त्यानंतर या दोघांनी तिच्या शरिराचे सहा तुकडे केले. हे तुकडे प्लास्टिक बॅगमध्ये भरुन आरोपींनी विहिरीत फेकले.

पीडित महिलेचा खून करून आपणच तिचे अवयव विहिरीत टाकल्याची कबुली आरोपीने पोलिसांना दिली दिली. त्यानंतर त्याला अटक करण्यात आले. मात्र, घटनास्थळी शोधकार्य राबवण्यासाठी जाताना पोलिसांशी झालेल्या चकमकीत आरोपीला गोळी लागली आहे. त्यानंतर त्याने पोलिसांच्या तावडीतूनदेखील त्याने पळून जाण्याचा प्रयत्न केला. तिकडे दिल्लीतील श्रद्धा खून प्रकरणात रोज नवनवे खुलासे होत असतांना उत्तर प्रदेशातल्या या घटनेने खळबळ उडाली आहे.