PAK vs NAM Live Streaming : सुपर 8 साठी टफ फाईट, नामिबिया पाकिस्तानचा बाजार उठवणार?

आयसीसी टी 20I वर्ल्ड कप 2026 स्पर्धेतील 35 व्या सामन्यात पाकिस्तान विरुद्ध नामिबिया आमनेसामने असणार आहेत. पाकिस्तान आणि नामिबिया या दोन्ही संघांचा हा साखळी फेरीतील चौथा आणि शेवटचा सामना असणार आहे. दोन्ही टीम ए ग्रुपमधील आहेत. ए ग्रुपमधून सुपर 8 फेरीत गतविजेत्या टीम इंडियाने धडक दिली आहे. तर उर्वरित एका जागेसाठी यूएसए, पाकिस्तान आणि नेदरलँड्स या 3 संघांमध्ये चुरस आहे. त्यामुळे पाकिस्तान विरुद्ध नामिबिया हा सामना निर्णायक ठरणार आहे. नामिबियाचं साखळी फेरीतच आव्हान संपुष्टात आलं आहे. मात्र नामिबिया साखळी फेरीतील आपला शेवटचा सामना जिंकून पाकिस्तानचा बाजार उठवणार का? हे पाहणं महत्त्वाचं ठरणार आहे. या निमित्ताने पाकिस्तान विरुद्ध नामिबिया सामन्याबाबत जाणून घेऊयात.