मुंबईतल्या या महागड्या साडीच्या किंमतीत येतील तब्बल 40 आलिशान फ्लॅट्स; या साडीत असं आहे तरी काय?

World Most Expensive Saree: मुंबई या मायानगरीचं आकर्षन अनेकांना आहे. मुंबईत आपलं स्वतःचं हक्काचं घर असावं असं प्रत्येकाला वाटतं. पण सर्व जबाबदाऱ्या सांभाळून मुंबई घर घेणं फार कठीण आहे. मुंबईतील घरांचे आजचे दर पाहिले तर, एका फ्लॅटची किंमत अंदाजे 60 – 70 लाख रुपये आहे. अशात मुंबईत अशी एक साडी तयार करण्यात आली आहे, ज्या साडीची किंमत तब्बल 39 कोटी रुपये आहे. या किंमतीत मुंबईत सहज 40 आलिशान फ्लॅट्स येतील… तर त्या साडीमध्ये असं काय खास आहे आणि ती साडी कोणी तयार केली याबद्दल जाणून घेऊ. सध्या चर्चेत असलेली मुंबईतील सर्वात महागडी साडी प्रसिद्ध डिझायर रोहित पिसाळ यांनी तयार केली आहे. सांगायचं झालं तर रोहित पिसाळ यांची ओळख गोल्डमॅन म्हणून देखील आहे. सध्या साडीचे फोटो आणि व्हिडीओ सोशल मीडियावर तुफान व्हायरल होत आहे. अनेकांना साडी आवडलेली आहे.

कोणाला समर्पित करण्यात आली आहे साडी?

मिळालेल्या माहितीनुसार, डिझायनर रोहित पिसाळ यांनी ही साडी रमाबाई आंबेडकर यांच्या जयंतीला समर्पित केली. त्यांच्या मते, ही अनोखी साडी तयार करण्यासाठी सुमारे तीन महिने लागले आहेत. या अनोख्या कापडावर सोन्याचा मुलामा लावण्यासाठी विशेष तंत्रे आणि रसायने वापरली गेली.

साडीचं सर्वात मोठे वैशिष्ट्य काय आहे?

या साडीमध्ये रमाबाई आंबेडकर यांचं चित्र कोरण्यात आलं आहे. चित्राच्या भोवती सोन्याचा मुलामा देण्यात आला आहे. सर्वात जास्त हैराण करणारी गोष्ट म्हणजे, रमाबाई आंबेडकर यांच्या कपाळावर जी टिकली दिसत आहे, त 100 ग्रॅम सोन्यापासून तयार करण्यात आली आहे. सर्वात महत्त्वाची गोष्ट म्हणजे, साडीत 33 कोटींचं हिरे जडले आहेत. यामध्ये रुद्र, प्रजापती, वासू आणि आदित्य यांसारखे वेगवेगळ्या प्रकारचे हिरे आहेत.

दुबईत होणार साडीचा लिलाव (Dubai Auction Plan)

मीडियारिपोर्टनुसार, या 39 कोटी रुपयांच्या साडीचा लिलाव दुबईत होणार आहे. लिलावात मिळाणाऱ्या रकमेचा उपयोग सामाजिक कार्यासाठी करण्यात येणार आहे. नवीन रुग्णालय, शाळा उभारण्यासाठी रकमेचा वापर करण्यात येणार आहे… ही बातमी महत्त्वाची आहे कारण ती भारतीय पोशाख, लक्झरी फॅशन इंडिया, हिऱ्याच्या साड्या आणि सोन्याच्या साडीतील कारागिरीला जागतिक स्तरावर प्रसिद्धी देते. ही साडी केवळ महागडी नाही तर भावनिक समर्पणाचे आणि कलाकृतीच्या एका अनोख्या नमुनाचे प्रतीक आहे.