मध्य प्रदेश: पत्नीच्या मृत्यूनंतर पतीची आत्महत्या; ८ वर्षांचा चिमुकला ३ दिवस आई-वडिलांच्या मृतदेहासोबत कोंडलेला!

मध्य प्रदेश: जबलपूरमधून एक अत्यंत हृदयद्रावक घटना समोर आली आहे. एका घरातील पती-पत्नीचा संशयास्पद मृत्यू झाला असून, त्यांचा ८ वर्षांचा मुलगा तब्बल तीन दिवस मृतदेहांच्या साक्षीत घरात एकटाच अडकून पडला होता.

नेमकी घटना काय?
जबलपूरमधील एका घरातून दुर्गंधी येऊ लागल्याने शेजाऱ्यांनी पोलिसांना माहिती दिली. पोलिसांनी दरवाजा तोडून आत प्रवेश केला असता, त्यांना पती-पत्नीचे मृतदेह आढळले. तपासात असे समोर आले की, पत्नीचा मृत्यू झाल्यानंतर पती हताश झाला असावा आणि त्याने आत्महत्या केली असावी, असा प्राथमिक अंदाज वर्तवण्यात आला आहे.

८ वर्षांच्या चिमुकल्याचा थरार:
सर्वात धक्कादायक बाब म्हणजे, घरातील ८ वर्षांचा मुलगा तीन दिवसांपासून आई-वडिलांच्या मृतदेहासोबत घरातच बंद होता. मृतदेह कुजल्यामुळे दुर्गंधी पसरली होती, तरीही हा मुलगा तिथेच राहिला. तो मुलगा प्रचंड मानसिक धक्क्यात असून, त्याला उपचारासाठी रुग्णालयात दाखल करण्यात आले आहे. घटनेचा अधिक तपास पोलीस करत आहेत.