आनंदाची बातमी! अखेर मान्सून भारतात दाखल; केरळमध्ये मुसळधार पाऊस, महाराष्ट्रात 'या' दिवशी बरसणार!

भारतीय हवामान विभागाची (IMD) अधिकृत घोषणा: नैऋत्य मान्सून अखेर केरळमध्ये दाखल, महाराष्ट्रातील आगमनाचा तारीख जाहीर.

भीषण उष्णतेच्या लाटेने आणि घामाच्या धारांनी हैराण झालेल्या नागरिकांसाठी अत्यंत दिलासादायक आणि आनंदाची बातमी आहे. बऱ्याच प्रतीक्षेनंतर अखेर नैऋत्य मान्सूनचे भारतात अधिकृत आगमन झाले आहे. भारतीय हवामान विभागाने (IMD) दिलेल्या माहितीनुसार, मान्सून केरळमध्ये दाखल झाला असून तिथे जोरदार पावसाला सुरुवात झाली आहे.

नियमित वेळेपेक्षा यंदा मान्सूनला केवळ ४ दिवसांचा विलंब झाला आहे. सामान्यतः मान्सून १ जून रोजी दाखल होतो, मात्र यंदा तो ४ जून रोजी केरळमध्ये धडकला आहे.

हवामान विभागाचे मुख्य अपडेट्स आणि अंदाज:

• केरळमध्ये मुसळधार आणि अलर्ट: मान्सूनच्या आगमनामुळे केरळच्या अनेक जिल्ह्यांत 'ऑरेंज अलर्ट' जारी करण्यात आला आहे. अलप्पुझा, कोट्टायम आणि एर्नाकुलम या जिल्ह्यांमध्ये मुसळधार पाऊस सुरू असून वादळी वाऱ्यांचा इशारा देण्यात आला आहे. यासोबतच तामिळनाडू आणि कर्नाटकच्या काही भागांत पुढील ७ दिवस मुसळधार पावसाचा अंदाज आहे.

• महाराष्ट्रात मान्सून कधी येणार?: केरळमध्ये दाखल झाल्यानंतर मान्सूनची पुढील वाटचाल अत्यंत वेगाने होणार आहे. पुढील २ दिवसांत मान्सून महाराष्ट्राच्या दिशेने पुढे सरकेल. ६ ते ७ जूनच्या दरम्यान मान्सून तळकोकणात (सिंधुदुर्ग-रत्नागिरी) दाखल होण्याची दाट शक्यता आहे. त्यानंतर मुंबई, कोकण आणि पश्चिम महाराष्ट्रासह राज्याच्या इतर भागात पावसाचा विस्तार होईल.

• देशभरातील वाटचाल: दिल्ली आणि उत्तर-पश्चिम राज्यांमध्ये मान्सून २५ ते ३० जून दरम्यान पोहोचेल. तर उत्तर प्रदेशात १५ जूनच्या आसपास पाऊस सुरू होईल. हवामान खात्याच्या अंदाजानुसार, ३० जूनपर्यंत मान्सून संपूर्ण देशाला कव्हर करेल.

जरी मान्सून दाखल झाला असला, तरी हवामान बदलामुळे अद्याप महाराष्ट्र, गुजरात, उत्तर प्रदेश आणि बिहारमधील अनेक शहरांमध्ये तापमान ४० अंश सेल्सिअसच्या वर नोंदवले जात आहे, मात्र पुढील काही दिवसांत या तीव्र उकाड्यापासून नागरिकांना मोठा दिलासा मिळणार आहे.

 

सविस्तर वाचा, लिंक कमेंट मध्ये:https://punenews24.in/