Walmik Karad : वाल्मिक कराडच्या अडचणीत वाढ, महत्वाचे पुरावे सादर; कोर्टात नेमकं काय झालं?

Beed Santosh Deshmukh Murder Case Walmik Karad मस्साजोगचे सरपंच संतोष देशमुख हत्या प्रकरणातील मुख्य सूत्रधार वाल्मीक कराडच्या अडचणीमध्ये दिवसेंदिवस वाढ होताना पाहायला मिळत आहे. आता हे प्रकरण चार्टशीट झाले असून संतोष देशमुख यांच्या हत्या प्रकरणातील डिजिटल पुराव्यांची प्रत न्यायालयामध्ये सादर करण्यात आली असून, संशयतांच्या स्थानांतरावर कोर्टात युक्तिवाद झाला आहे.

त्याचबरोबर ज्या पद्धतीने संतोष देशमुख यांना मारलं गेलं त्याच्या डिजिटल पुराव्यांची प्रत न्यायालयामध्ये सादर करण्यात आले आहेत. त्यामुळे आता वाल्मीक कराडच्या अडचणीमध्ये वाढ झाल्याचे बोलले जात आहे. विशेषतः संतोष देशमुख यांच्या हत्या प्रकरणी वाल्मीक कराडचा अवादा पवन चक्कीला गेलेला फोन त्याचबरोबर व्हिडिओ ऑडिओ क्लिप; या संपूर्ण पुराव्यांची यादी आता न्यायालयामध्ये सादर केली आहे.

त्यामुळे वाल्मीक कराडसह विष्णू चाटे सुदर्शन घुले इतर आरोपींची देखील अडचण वाढली आहे आणि जिल्हा कारागृहामधील मुक्काम आणखीच वाढणार आहे. दरम्यान या प्रकरणाला वर्षे उलटली तरी सरपंच संतोष देशमुख आणि त्यांच्या कुटुंबाला अद्यापही न्याय मिळालेला नाही.