Mumbai : आमदारकी वाचली, मात्र संकट टळले नाही; माणिकराव कोकाटेंवर सुप्रीम कोर्टाचा निर्णय

Mumbai : राष्ट्रवादीचे (अजित पवार गट) आमदार तथा माजी मंत्री माणिकराव कोकाटे यांना सुप्रीम कोर्टाने मोठा दिलासा दिला आहे. मुंबई हायकोर्टाच्या अंतरिम आदेशाला सुप्रीम कोर्टाने स्थगिती दिली आहे, त्यामुळे कोकाटे यांची आमदारकी मात्र वाचली आहे. सुप्रीम कोर्टाची नाताळ सुट्टी सुरू झाली असताना सरन्यायाधीशांच्या नेतृत्वाखालील विशेष खंडपीठासमोर आज तातडीच्या प्रकरणांवर सुनावणी होत आहे. त्यात कोकाटे यांच्या अर्जावरही होणार सुनावणी झाली आहे.

'आमदार म्हणून अपात्र ठरणार नाहीत, एवढ्यापुरतेच आम्ही हायकोर्टाच्या आदेशाला तूर्तास स्थगिती देत आहोत. पण माणिकराव कोकाटे यांना कोणत्याही लाभाचे पद धारण करता येणार नाही', असं सुप्रीम कोर्टाने आपल्या आदेशात स्पष्ट केलं आहे.

Pune : पुणेकरांचा प्रवास अधिक सुलभ; हिंजवडी ते शिवाजीनगर मेट्रो लवकरच सुरू, कसा असेल २३ किमीचा मार्ग?

कोकाटे यांच्या अर्जावर प्रतिवादींना नोटीस जारी करून सुप्रीम कोर्टाने सुनावणी तहकूब केली. ज्यांच्या तक्रारीवरून उपजिल्हाधिकाऱ्यांनी पोलिसांत एफआयआर नोंदवला, त्यांच्या वकिलांनी हस्तक्षेप करून कोकाटे यांना दिलासा मिळू नये, असा प्रयत्न केला. मात्र, 'प्रथमदर्शनी कनिष्ठ न्यायालयाच्या निर्णयात मूलभूत चूक दिसत आहे. सविस्तर सुनावणीत सर्व बाबींचा कायदेशीर विचार केला जाईल', असं स्पष्ट करून सरन्यायाधीश सूर्यकांत व न्यायमूर्ती जॉयमल्या बागची यांच्या खंडपीठाने कोकाटे यांना दिलासा दिला आहे.