Maharashtra Politics : छत्रपती संभाजीनगरमध्ये भाजपला मोठं खिंडार, राजू शिंदेंसह ६ माजी नगरसेवक ठाकरे गटात

Maharashtra Politics : विधानसभा निवडणुकांच्या पार्श्वभूमीवर ठाकरे गटाने पहिलाच मोठाधक्का भाजपला छत्रपती संभाजीनगरमध्ये दिलाय. आज शिवसेना पक्षप्रमुख उद्धव ठाकरे यांच्या उपस्थितीत भाजपचे माजी उपमहापौर राजीव शिंदे यांचा जाहीर प्रवेश झालेला आहे. त्यांच्यासोबतच भाजपच्या इतर सहा माजी नगरसेवकांनी देखील आज ठाकरे गटात प्रवेश केलाय.

राजू शिंदेंचा ठाकरे गटात प्रवेश

राजीव शिंदे यांनी उद्धव ठाकरे यांचा शाल घालून स्वागत केलेलं आहे. छत्रपती संभाजीनगरमध्ये आता राजीव शिंदेंनी हाती भगवा घेतलाय. राजू शिंदेंचा ठाकरे गटात प्रवेश भाजपसाठी मोठा धक्का मानला जातोय. उद्धव ठाकरे यांच्या संभाजीनगर दौऱ्यामुळे राजकीय घडामोडींना वेग आलाय. आज छत्रपती संभाजीनगरमध्ये उद्धव ठाकरे गटाचा शिव संकल्प मेळावा पार पडला.

Raigad News : रिव्हर राफ्टिंगला गेला अन् परत आलाच नाही, मुंबईतल्या इंजिनिअरचा दुर्दैवी मृत्यू

उद्धव ठाकरेंचा आजचा छत्रपती संभाजीनगर दौरा

या शिव संकल्प मेळाव्यात विधानसभा निवडणुकीच्या अनुषंगाने उद्धव ठाकरेंचाआजचा छत्रपती संभाजीनगर यांचा दौरा महत्त्वाचा ठरलाय. माजी उपमहापौर राजीव शिंदे यांच्यासह अनेकांचे आज ठाकरे गटात पक्षप्रवेश झालाय. विधानसभा निवडणुकीपूर्वीच ठाकरे गटात इन्कमिंग सुरू झाल्याचं दिसतंय.

ठाकरे गटाचा शिव संकल्प मेळावा

छत्रपती संभाजीनगरमध्ये विधानसभेपूर्वी वारं फिरलंय. भाजपचा बडा नेता आज शिवबंधनात अडकला आहे. यावेळी राजू शिंदे अगोदर शिवसेनेत आले असते, तर मी ३५ हजारांच्या लिडने निवडून आलो असतो असा विश्वास देखील चंद्रकांत खैरे यांनी व्यक्त केलाय. खैरेंनी देखील राजू शिंदेंचं ठाकरे गटात स्वागत केलाय. त्यांनी कोणत्याही परिस्थितीत गद्दारांना पाडायचा असल्याचा टोला विरोधकांना लगावला आहे.