Stamp Paper घेण्यासाठीचा नियम बदलला, Pimpri च्या मुद्रांक केंद्रावर नागरिकांची गर्दी; जाणून घ्या नवा नियम

Pimpri Chinchwad : राज्यात मुद्रांक (स्टॅम्प पेपर) घेण्यासाठी नियमांत बदल करण्यात आला आहे. स्टॅम्प पेपर घेताना काही वेळेला नागरिक हस्ते पद्धतीने घेत असे. नव्या नियमानूसार स्टॅम्प पेपर घेतानाची हस्ते बंद करण्यात आली आहे. यामुळे ज्येष्ठ नागरिकांसह दिव्यांग नागरिकांची अडचण झाल्याचे चित्र पिंपरी चिंचवड येथे असल्याचे दिसून आले. पिंपरीतील मोरवाडीतील मुद्रांक केंद्रावर नागरिकांची मोठ्या प्रमाणात गर्दी दिसून आली. 

अनेक कारणांसाठी नागरिकांना मुद्रांकचा वापर करावा लागताे. यामध्ये प्रामुख्याने न्यायालयीन कामासाठी, जमीन खरेदी- विक्री, एग्रीमेंट, हमीपत्र, स्वयंघोषणापत्र, भाडेकरार, बँकांचे व्यवहार अशा अनेक कारणांसाठी स्टॅम्प पेपरचा वापर करावा लागतो.

तुम्ही देखील अनेक वेळा शंभर, दोनशे, पाचशे किंवा हजार रुपयांचा स्टॅम्प पेपरचा वापर केला असेल. अनेक वेळा स्टॅम्प पेपर स्वतः खरेदी केला असेल अथवा इतरांच्या हस्ते स्टॅम्प पेपर घेतला असेल.