Samruddhi Mahamarg Accident : समृद्धी महामार्गावर भरधाव कारला अपघात, ३ वर्षीय चिमुरडीचा मृत्यू, ४ जण जखमी

बुलढाणा : समृद्धी महामार्गावर अपघातांची मालिका सुरूच आहे. वाढत्या अपघातामुळे समृद्धी महामार्ग मृत्यूचा सापळा बनतोय का असा प्रश्न उपस्थित करण्यात येत आहे. पंतप्रधान नरेंद्र मोदी यांच्या हस्ते लोकार्पण झालेल्या या महामार्गावर भीषण अपघाताचे सत्र सुरूच आहे. आज, शनिवारी देखील भरधाव कारचा अपघात झाला. या अपघात ३ वर्षीय चिमुरडीचा मृत्यू झाला आहे. या अपघाताने परिसरात एकच खळबळ उडाली. 

मिळालेल्या माहितीनुसार, बुलढाणा जिल्ह्यातील मेहकरजवळ भरधाव कारचा अपघात झाल्याची घटना घडली. शनिवारी सायंकाळी हा भीषण अपघात झाला. मुंबईहून नागपूरच्या दिशेना जात असताना भीषण अपघात झाला. या अपघातात ३ वर्षीय चिमुरडीचा मृत्यू झाला. तर ४ जण जखमी झाले आहेत. या अपघातानंतर परिसरात एकच खळबळ उडाली.