Uddhav Thackeray : उद्धव ठाकरे अॅक्शन मोडमध्ये; नवा पक्ष नवे नियम, कशी असणार पुढील रणनीती

Uddhav Thackeray : शिवसेना पक्ष आणि पक्ष चिन्ह शिंदे गटाला मिळाल्यानंतर ठाकरे गटाने आक्रमक भूमीका घेतली. ठाकरे गटाच्या अनेक नेत्यांनी निवडणूक आयोगावर जहरी टीका केली. अशात आता ऑनलाऊनच्या वृत्तानुसार उद्धव ठाकरे यांनी या पुढे जाऊन नवा पक्ष सथापन करण्यासाठी हलचाली सुरू केल्या आहेत. शिवसेना-उद्धव बाळासाहेब ठाकरे गट पुन्हा एकदा अॅक्शन मोडमध्ये येत आहे. या नव्या पक्षासाठी त्यांचे नाव आणि चिन्ह कोणते असणार या बाबतही चर्चा सुरू आहे.

अंधेरी पोटनिवडणुकीवेळी निवडणूक आयोगाने शिवसेना उद्धव बाळासाहेब ठाकरे असं नाव ठाकरे गटाला दिलं होतं. तसेच मशाल हे चिन्ह देण्यात आलं होतं. मात्र मशाल चिन्हावर समता पक्षाने आपला दावा केला आहे. असे असले तरी ठाकरे गटाकडून अजूनही हेच चिन्ह आणि नाव वापरण्यात येत आहे. त्यावरून पुढील घटनेच्या तयारीला देखील वेग आल्याचं म्हटलं जात आहे.

सूत्रांनी दिलेल्या माहितीनुसार, शिवसेना उद्धव बाळासाहेब ठाकरे गडाकडून तयार करण्यात येणाऱ्या नव्या घटनेत शिवसेना पक्षातील जून्या गोष्टी जशाच्या तशा घेतल्या जाणार आहेत. नव्या पक्षामध्येही उद्धव ठाकरे हेच त्यांच्या पक्षाचे पक्षप्रमुख असणार आहेत. तसेच पक्षाचे सर्व अधिकार हे उद्धव ठाकरे स्वत:कडेच ठेवणार आहेत. तसेत पक्षात नव्याने प्रवेश करणाऱ्या व्यक्तींना पक्षाच्या काही नियम व अटींचे पालन करावे लागणार आहे.