जालना : लग्न अटपून परतणाऱ्या लग्नाच्या वऱ्हाडाच्या गाडीचा अपघात, १५ जण जखमी

जालना - जाफ्राबाद तालुक्यातील खासगाव हुन लग्न समारंभाचा कार्यक्रम आटपून परतणाऱ्या गाडीचा सिंधी चौफलीवर अपघात झाल्याची घटना घडली आहे. या अपघातात गाडीमध्ये मध्ये असलेले २ जण गंभीर तर १३ जण जखमी झाल्याने त्यांच्यावर खासगव येथील प्राथमिक आरोग्य केंद्रात उपचार सुरू आहे.

भोकरदन तालुक्यातील कोठारा जैनपुर येथील कुंटुब क्रुझर गाडीने चिखलीहुन भारज मार्गाने लग्न समारंभाचा कार्यक्रम आटोपुन घराकडे परततांना सिंधी चौफुली या ठिकाणी मध्यभागी असलेल्या सिंमेटच्या चौकावर क्रुझ्रर गाडी आदळून सात ते आठ फुट रस्त्याच्या कडेला असलेल्या बराशीत पालटली.

या अपघातात चालका सह १५ जण जखमी झाले आहे दोघांची प्रकृती गंभीर असल्याने त्यांना औरंगाबाद येथील शासकीय रुग्णलायकडे रेफर करण्यात आले आहे. घटनेची माहिती मिळताच परिसरातील नागरिकांनी घटनास्थळी धाव घेऊन वाचावं कार्य करत जखमींना खासगाव ग्रामीण रुगणलायत दाखल केले.

या अपघातात सुदाम दगडुबा कोठाळे,रमेश तुळशीराम रोडे, आप्पासाहेब दामोदर सोनवणे, राजू उत्तमराव सूर्यवंशी, शिवम रामेश्वर सोनवणे सर्व राहणार (कोठारा जैनपुर)श्रीमती शारदा वाघ गुलाबराव भोसले( पळसगादे खुलताबाद) कृष्णा पांडुरंग सोनवणे,रमेश सूर्यवंशी, श्रीमती बेबाबाई भगवानराव लहाने, विजया प्रताप लहाने, गणेश अंकुशराव जाधव, निशा गणेशराव जाधव, कौशल्याबाई गणेश जाधव, रोशन गणेश जाधव सर्व राहणार (मसरुळ,)यांचा समावेश आहे.