Vasant More : खंडणी द्या अन्यथा गोळी घालू... वसंत मोरे यांच्या मुलाला जीवे मारण्याची धमकी

Vasant More : पुण्यातील मनसे नेते वसंत मोरे यांच्या मुलाला जीवे मारण्याची धमकी दिल्याची माहिती समोर आली आहे. 'खंडणी द्या अन्यथा गोळी घालू' अशी धमकी देण्यात आली आहे. त्यामुळे सर्वत्र एकच खळबळ उडाली आहे.एका वृत्तसंस्थेने दिलेल्या माहितीनुसार, वसंत मोरे यांचा मुलगा रूपेश मोरे यांना एका अज्ञात व्यक्तीने जीवे मारण्याची धमकी दिली आहे. मेसेजद्वारे ही धमकी देण्यात आली आहे. ३० लाख दे नाहीतर मुस्लीम मुलीसोबतच्या लग्नाचे बनावट प्रमाणपत्र व्हायरल करण्यात येईल. अशा आशयाचा मेसेज त्यांना आला आहे. याप्रकरणी भारती पोलिस ठाण्यात आरोपीविरोधात गुन्हा दाखल करण्यात आला आहे.

वसंत रुपेश मोरे यांच्या व्हाट्सअप मोबाईलवर अन्फियाशेख या मुली सोबत विवाह झाला आहे, असा दावा करण्यात आला आहे.

ग्रामसेवक ग्रामपंचायत वडगाव तालुका सोयगाव जिल्हा औरंगाबाद येथील बनावट विवाह नोंदणी प्रमाणपत्र पाठवून ‘हमने आपके नाम का मॅरेज सर्टिफिकेट बनाया है खराडी आयटी पार्क के सामने गाडी मे बीस लाख रुपये रख देना नही तो आपके उपर रेप के केस कर देंगे’ असा धमकीचा मेसेज रुपेश मोरे यांना करण्यात आला आहे.त्यानंतर काही दिवसांनी पुन्हा एक मेसेज आला ‘मै अल्फिया शेख 30 लाख रुपये नही दिये तो रेप के केस मे अंदर कर दुंगी’अशा पद्धतीचा मेसेज पाठवला गेला.

पुन्हा काही दिवसानंतर ‘दे रहा है क्या पैसा नाही तो मार दूंगा तेरी पुरी सेटिंग हुई है बहुत जल्द मार देंगे तेरे को गोली मार के जायेंगे तेरे बाप को बोल देंगे तेरे को बचाने के लिए’ असा धमकीचा मेसेज करून तीस लाख रुपयांची मागणी केली आहे.यापुर्वीही रुपेश मोरे यांना जीवे मारण्याची धमकी देण्यात आली होती. अज्ञात व्यक्तीने रूपेश यांच्या पार्किंगमध्ये उभ्या असलेल्या कारवर एक चिठ्ठी ठेवण्यात आली होती. चिठ्ठीत 'सावध रहा रूपेश' असा मजकूर लिहण्यात आला होता.