Ulhasnagar Crime : रिक्षा चालकाच्या घरावर गोळीबार; उल्हासनगरातील पहाटेच्या सुमाराची घटना

Ulhasnagar : उल्हासनगरमध्ये एका रिक्षा चालकाच्या घरावर पहाटेच्या सुमारास अज्ञातांकडून गोळीबार करण्यात आला. उल्हासनगरच्या माणेरे गावात ही घटना घडली. सुदैवाने या गोळीबारात कोणीही जखमी झाले नसून या घटनेनंतर विठ्ठलवाडी पोलिसांनी घटनास्थळी धाव घेत तपासाला सुरुवात केली आहे.

Jamner News : रक्षाबंधनाला माहेरी आली, रात्रीच्या अंधारात घडलं भयंकर; विवाहितेच्या मृत्युने जामनेर तालुक्यात खळबळ

उल्हासनगरच्या माणेरे गावात प्रमोद भोईर हे रिक्षा चालक वास्तव्याला आहेत. दरम्यान आज पहाटे साडेचार वाजताच्या सुमारास दुचाकीवरून आलेल्या एका अज्ञात हल्लेखोराने त्यांच्या घराबाहेर येऊन अतिशय जवळून घराच्या दरवाजा आणि खिडकीवर दोन गोळ्या झाडल्या. सुदैवानं यात कुणीही जखमी झाले नाही. गोळी झाडल्याचा आवाज झाल्यानंतर परिसरातील नागरिक घटनास्थळी जमा झाले. याबाबत पोलिसांना देखील माहिती देण्यात आली. घटनेची माहिती मिळताच विठ्ठलवाडी पोलिसांनी घटनास्थळी धाव घेत तपासाला सुरुवात केली. 

दुचाकीवरून आलेला हल्लेखोर भोईर यांच्या घराकडे येताना सीसीटीव्हीत कैद झाला असून फॉरेन्सिक टीमलाही पाचारण करण्यात आल्याची माहिती विठ्ठलवाडी पोलीस ठाण्याचे वरिष्ठ पोलीस निरीक्षक अनिल पडवळ यांनी दिली आहे. घटनेचा पंचनामा करून परिसरातील सीसीटीव्ही फुटेजच्या आधारे गोळीबार करणाऱ्याचा शोध सुरु करण्यात आला आहे.