Traffic Jam In Pune : सुट्ट्यांमुळे वर्दळ वाढली, वाहनांच्या संख्येत वाढ; पुणे मुंबई महामार्गावर वाहतूक कोंडी

 Pune : पुणे मुंबई एक्सप्रेस हायवेवर वाहनांची संख्या वाढल्यामुळे वाहतूक संथ गतीने सुरू आहे. 1 मे सुट्टी निमित्ताने पर्यटक घराबाहेर पडले आहे. त्यामुळे मुंबईकडून पुण्याकडे येणाऱ्या लेनवर वाहतूक संथ गतीने सुरू आहे. ही वाहतूक सुरळीत करण्यासाठी महामार्ग पोलिसांकडून प्रयत्न केले जात आहेत. अवजड वाहने आणि हलकी वाहनांची संख्या वाढल्याने बोरघाटात वाहतूक संथ सुरू आहे.

पुणे-बेंगळुरू महामार्गावर देखील वाहतूक कोंडी झाल्याचं समोर आलं होतं. कराडजवळ वाहनांना तासभर खोळंबा झाला होता. कराडजवळ जवळपास तासभर वाहनांची रखडपट्टी झाल्याचं दिसलं. सुट्ट्यांमुळे कोकणात जाणाऱ्या वाहनांच्या संख्येत वाढ झाली आहे. त्यामुळे महामार्गावर वाहनांची वर्दळ वाढली आहे. पुणे मुंबई महामार्गावर देखील वाहतूक संथ गतीने सुरू आहे.