T20 World Cup 2026 : टी-20 वर्ल्डकपमध्ये मोठा उलटफेर, बलाढ्य ऑस्ट्रेलिया झिम्बाब्वेसमोर चारीमुंड्या चीत

AUS vs ZIM, T20 World Cup 2026 : कोलंबोच्या के आर प्रेमदासा स्टेडियममध्ये आजा, 13 फेब्रुवारीला जे झालं त्याची कोणी स्वप्नातही कल्पना केली नसेल. टी20 वर्ल्ड कपच्या ग्रुप बीमध्ये झिम्बाब्वेने मोठो उलटफेर करत ऑस्ट्रेलियाला चारी मुंड्या चीत केलं. यासह, झिम्बाब्वेने स्पर्धेत सलग दुसरा विजय मिळवला आहे. त्यांनी यापूर्वी अमोनच्या संघाला पराभूत केले होते. टी-20 विश्वचषकात ऑस्ट्रेलियाविरुद्ध झिम्बाब्वेचा हा दुसरा विजय आहे. यापूर्वी 2007 मध्येही झिम्बाब्वेने ऑस्ट्रेलियाला पराभूत केले होते. त्यानंतर तब्बल 19 वर्षंनी इतिहासाची पुनरावृत्ती झाली.

झिम्बाब्वेने उभारला मोठा स्कोअर

या मॅचमध्ये जे झालं त्यावर कोणाचाच विश्वास बसत नाहीये. सामन्याच्या सुरूवातीला टॉस जिंकून ऑस्ट्रेलियन संघान प्रथम गोलंदाजीचा निर्णय घेतला. तेव्हा झिम्बाब्वेने पहिले फलंदाजी करत 20 ओव्हर्समध्ये 2 विकेट गमावून 169 धावा केल्या. यादरम्यान, सलामीवीर ब्रायन बेनेटने नाबाद 64 धावांची शानदार खेळी केली, ज्यामध्ये त्याने 7 चौकार फटकावले. तर तादिवानाशे मारुमानीने 21 चेंडूत 35 धावांची शानदार खेळीकेली. रायन बर्लने 30 चेंडूत 35 धावा केल्या आणि कर्णधार सिकंदर रझाने 13 चेंडूत नाबाद 25 धावा केल्या आणि संघाला या 169 धावांचा पल्ला गाठून दिला.

ऑस्ट्रेलियाला चारली धूळ

ऑस्ट्रेलियाच्या संघासाठी 170 धावांचं आव्हान म्हणजे जणू काही डाव्या हाताच मळंच. त्य्यांना हे टार्गेट सहज गाठता येईल असं बहुतांश लोकांना वाटलं. मात्र ऑस्ट्रेलियाची सुरूवातच वाईट झाली. पॉवरप्लेमध्ये चार विकेट गमावल्या, तेव्हा ऑस्ट्रेलियाचा स्कोअर फक्त 38 होता. स्टार फलंदाज जोश इंग्लिस, कॅमेरॉन ग्रीन, टिम डेव्हिड आणि ट्रॅव्हिस हेड लवकर बाद झाले, जो ऑस्ट्रेलियासाठी मोठा धक्का होता. मधल्या षटकांमध्ये ऑस्ट्रेलियाचे मॅट रेनशॉ आणि ग्लेन मॅक्सवेल यांच्यात 77 धावांची भागीदारी झाली, त्यांनी पुनरागमन करण्याचा प्रयत्न केला. परंतु झिम्बाब्वेने डेथ ओव्हर्समध्ये पुनरागमन केले आणि सामना सहज जिंकला. ऑस्ट्रेलियाचा संघ 19.3 षटकांत 146 धावांवर ऑलआऊट झाला आणि त्यांना तब्बल 23 धावांनी पराभव पत्करावा लागला.

वेगवान गोलंदाज ब्लेसिंग मुजरबानी आणि ब्रॅड इव्हांस हे झिम्बाब्वेच्या यशाचे शिलेदार ठरले. ब्लेसिंग मुजरबानी ने 4 ओव्हर्समध्ये फक्त 17 धावा देत 4 बळी टिपले. तर ब्रॅड इव्हान्स याने 3.3 ओव्हर्समध्ये 23 धावा देत 3 फलंदाजांना बाद केलं. या दोन्ही गोलंदाजांसमोर ऑस्ट्रेलियन फलंदाजी पूर्णपणे निष्प्रभ ठरली. वेलिंग्टन मसाकाड्झा आणि रायन बर्ल यांनीही प्रत्येकी एक बळी घेतला. टी20 वर्ल्ड कपच्या इतिहासात या दोन्ही संघांमध्ये फक्त 2 सामने खेळले गेले आहेत आणि दोन्ही वेळा झिम्बाब्वेने ऑस्ट्रेलियाला पराभूत करत विजय मिळवला.