Sudhakar Badgujar : सुधाकर बडगुजर यांच्या अडचणीत मोठी वाढ, पोलीस ठाण्यात गुन्हा दाखल; काय आहे प्रकरण?

राणे यांच्या आरोपांना उत्तर देताना सुधाकर बडगुजर यांनी पत्रकार परिषद घेतली आणि म्हणाले की, 'सलीम कुत्ताशी माझा संबंध नाही'. ते म्हणाले होते की, ''२०१६ मध्ये विजया रहाटकर प्रकरणात वेगळ्या विदर्भाची मागणी करण्यासाठी सभा झाली होती. त्या सभेविरोधत शिवसैनिकांनी आंदोलन केलं, अनेक शिवसैनिकांवर गुन्हे दाखल झाले. माझ्यावर देखील गुन्हा दाखल होता, मी १५ दिवस तुरुंगात होतो.''

ते पुढे म्हणाले होते की, ''तुरुंगामध्ये बॉम्ब स्फोटातील आरोपी होते. त्यांची आम्हाला कल्पना देखील नव्हती. माझ्यावर ज्या काही केसेस दाखल आहेत, त्या राजकीय आंदोलनातून आहेत. माझं नाव सलीम कुत्ताशी जोडलं गेलं, त्याला ९३ अटक झाली असेल. मला २०१६ मध्ये अटक झाली.''